Question Ki’nn Soulevé

◼ Ki meilleur façon nou kapav faire donation pou aide bann frère ki dans le besoin dans lézot pays?

Éna fois, nou tendé ki bann frère dans enn l’autre pays bizin nou l’aide matériel à cause persécution, bann catastrophe, ou-soit à cause bann lézot situation difficile. Certain frère finn senti-zot poussé pou envoye l’argent directement bann Filiale dans sa bann pays-la, ek zot demandé ki servi sa l’argent-la pou aide enn certaine dimoune ou enn congrégation en particulier, ou-soit pou enn projet construction précis.—2 Cor. 8:1-4.

Bien ki sa l’attention rempli ar l’amour ki nou éna pou nou bann frère ek soeur-la mérite félicitation, souvent éna bann besoin pli urgent ki séki sa dimoune ki pé faire sa don-la pensé. Dans certain cas, finn déjà fini réglé sa problème-la. Bien-sûr, kan nou envoye bann don la Filiale ki occupe nou pays, pou l’oeuvre mondial, pou construction la Salle du Royaume, ou-soit pou aide bann ki’nn passe par catastrophe, nou kapav sûr ki pou servi sa bann donation-la d’après instruction ki nou’nn donné.

Bann frère ki travail dans tou bann Filiale éna bann instruction précis couma pou agir rapidement dans bann cas kot bann frère bizin l’aide enn coup sans atann. Dans tou cas, la Filiale garde Collège Central au courant situation-la. Si bizin encore l’aide, Collège Central kapav demann bann Filiale proche pou apporte zot l’aide ou-soit kapav envoye bann don directement depuis Brooklyn.—2 Cor. 8:14, 15.

Donc, bizin envoye la Filiale ki occupe pays kot ou resté, tou contribution pou l’oeuvre mondial, pou bann projet construction dans lézot pays, ou-soit pou aide bann victime catastrophe. Kapav envoye sa directement la Filiale ou-soit kapav passe par la congrégation. Coumsa, à travers bann disposition ki’nn prend dans domaine l’organisation et ki’nn établi par Collège Central, “l’esclave fidèle et avisé,” prend soin besoin bann frère dans le monde entier dans enn façon ordonné.—Mat. 24:45-47; 1 Cor. 14:33, 40.