Presente Bann Periodik kan Ou Preché
1, 2. Couma La Tour de Garde ek Réveillez-vous ! finn touche la-vie bann dimoune?
1 “Li interessant, li vinn dan l’heure ki bizin, ek li encourageant.” “Bann magazine pli encourageant ki mo kapav inn lir.” Sa bann commentaire-la decrire bien séki bann lecteur dan le monde entier pensé lor La Tour de Garde ek Réveillez-vous ! Oui, nou bann periodik zot vrai-mem bann bon zoutil ki kapav amenn la bonne nouvel ar “tou sorte qualité dimoune.”—1 Tim. 2:4.
2 Enn businessman ti gagne enn Réveillez-vous ! ki ti koz lor enn sujet ki ti interesse li. Plitar, li’nn lir La Tour de Garde ki li ti gagné ensam avek sa Réveillez-vous !-la, ek ladan ti éna enn l’article ki ti pousse-li pou examine plus en profondeur croyance ki li’nn éna toute longue so la-vie dan doctrine la Trinité. Sa ti faire li envi konn plus. Six mois apré li ti baptisé. Enn lot missié li, ti pé gagne bann periodik regulierement mais jamais li ti lir zot. Parkont, so madame, ti evite bann Témoins mais li ti lir bann magazine ki zot ti pé quitte avek so mari. So leker finn touché par promesse Biblik ki koz lor enn paradi lor la terre ki pou rempli avek bann dimoune juste. Avek le temps, li, so garson, ek so soeur inn vinn Témoins de Jéhovah.
3. Kifer li bon ki nou presente toulé-deux periodik ensam?
3 Presente Toulé-Deux Ensam: Pareil couma nou’nn trouvé dan bann l’exemple ki’nn cité la-haut, nou pa sur kisannla pou lir nou bann magazine ou-soit ki kitsoz kapav interesse zot. (Eccl. 11:6) Donk, li bon ki nou presente La Tour de Garde ek Réveillez-vous ! ensam, mem si normalement nou pou attire l’attention lor enn sel periodik dan nou presentation. Dan certain cas, kitfois li bon ki nou presente plusieurs numero nou bann periodik kan nou visite enn dimoune.
4. Couma nou kapav organise nou pou preche avek bann periodik?
4 Li pou bon si ou reserve enn jour par semaine pou presente bann periodik. Lor Calendrier des Témoins de Jéhovah 2005, finn choisir Samedi couma “Journée Periodik.” Bien-sur, a cause bann circonstance local ek zot situation personnel, certain kapav reserve enn lot jour dan la semaine pou presente bann periodik. Eski presente bann periodik forme parti dan ou program la-semaine?
5. Ki bann l’occasion pou place periodik, nou bizin profité ek ki pou kapav aide nou pou faire sa?
5 Fixé enn l’Objectif Personnel: Si chaque mois nou fixé enn l’objectif pou place tant periodik, sa pou aide nou concentré plus pou place bann periodik. Eski ou éna enn tourné periodik? Eski ou presente magazine bann dimoune ki ou joinde dan predication? Eski ou kapav presente bann magazine kan ou pé preché lor la rue, dan bann l’endroit commercial, ek dan bann place publik? Eski ou amenn bann periodik avek ou kan ou voyagé, kan ou al faire shopping, ek kan ou éna rendez-vous kot docteur? Profite chaque l’occasion pou aide lezot tir profit ar La Tour de Garde ek Réveillez-vous !
6. Couma nou kapav bien servi nou bann vieux periodik?
6 Nou kapav aussi fixé l’objectif pou place bann vieux Tour de Garde ek Réveillez-vous ! ki nou éna. Mem si nou pa reussi place bann periodik dan enn ou deux mois apré ki zot inn parette, bann information ki éna ladan, encore toujours éna zot valeur. Place zot avek bann dimoune interessé. Pou bann million dimoune, La Tour de Garde ek Réveillez-vous ! inn vinn “enn parole . . . dan bon moment.” (Prov. 25:11) Anou servi sa bann periodik-la pou aide bann million dimoune encore pou konn Jéhovah ek pou servi Li.