Servi bann aide visuel pou enseigné
1. Couma eski Jéhovah inn servi bann aide visuel pou enseigne so bann serviteur dan lepok longtemps, ek ki resultat sa inn donné?
1 Kan Jéhovah ti ena bann renseignement important pou donne so bann serviteur dan lepok longtemps, li ti servi bann vision ou-soit bann rêve. Pense vision char celeste Jéhovah ki Ézékiel ti gagné. (Ézék. 1:1-28) Maziné couma Daniel ti senti-li apré ki li ti gagne rêve prophetik ki decrire bann different puissance mondial ki ti pou dirigé. (Dan. 7:1-15, 28) Ek ki nou pou dire lor sa revelation extraordinaire ki l’apotre Jean ti gagné “en signe” concernant bann kitsoz ki ti pou arrivé pendant “jour du Seigneur”? (Rév. 1:1, 10) Jéhovah ti servi bann couleur vif ek beaucoup kitsoz impressionnant dan sa bann vision-la pou enseigne Ézékiel, Daniel ek Jean. Alors, sa ti reste gravé dan zot l’esprit.
2. Ki bann aide visuel nou kapav servi pou enseigne bann verité ki ena dan la Bible?
2 Si nou envie enseigne lezot bann verité ki ena dan la Bible pou ki sa reste gravé dan zot l’esprit, nou kapav servi bann cassette video. Nou bann video aborde enn quantité sujet ek zot faire nou ena plus confiance dan la Bible, dan l’organisation Jéhovah, ek dan So bann principe ki faire nou vinn bann pli bon chrétien. Anou guette dé-trois fason ki nou kapav servi sa bann video-la pou enseigné.
3. Ki ou kapav servi pou dirige enn etudiant vers l’organisation?
3 Dan nou ministere: Eski ou finn raconte enn l’etude sa fraternité international ki existé parmi nou-la? Montré li video Toute la communauté des frères. Prete li video-la pou li guetté avant prochain l’etude, ou-soit guette sa ensam avek li dan enn prochain l’occasion. Apré sa, discute bann question revision ki ena dan Ministère du Royaume décembre 2005.
4. Ki initiative bann jeune Témoin kapav prend pou donne temoignage zot bann professeur ek camarade lekol?
4 Jeune, dan classe kan koz lor l’Histoire, kitfois ou kapav demann ou professeur si li possible pou montré ou classe bann documentaire ki ena lor cassette La fermeté des Témoins de Jéhovah face à la persécution nazie ou-soit Fidèles dans les épreuves — Les Témoins de Jéhovah en Union soviétique. Ou kapav dire ki ou disposé pou prepare bann question ki kapav servi pou discute film-la ensam dan classe. Ou kapav base sa bann question-la lor Ministère du Royaume juin 2001 ou-soit Ministère du Royaume sa mois-la.
5. Ki bann parent kapav servi pou faire l’etude familial?
5 Avek bann famille ek bann camarade: Parent, kan dernier fois ou bann zenfant inn guette cassette Les jeunes s’interrogent. . . Comment se faire de vrais amis ? Kifer ou pa ré-guette sa film-la dan ou prochain l’etude familial? Dan Ministère du Royaume avril 2002, ena bann question ki pou aide ou gagne enn discussion animé ek franc.
6. Couma ou kapav organise enn moment edifiant avek ou bann camarade?
6 Eski ena bann camarade dan congregation ki ou ti pé envie invité kot ou? Ou pou kapav passe enn soirée bien edifiant si ou guette cassette Des exemple qui nous servent d’avertissement, surtout si ou servi bann question ki ena dan Minsitére du Royaume novembre 2005 pou discute ensam bann leson ki nou kapav tiré dan sa cassette-la.
7. Dan ki different l’occasion ou pensé ou kapav servi nou bann cassette video?
7 Lezot l’occasion: Dan ki fason encore ou kapav servi sa 20 different cassette video ki nou ena-la? Montré enn dimoune ki ou visité regulierement enn ou deux sa bann cassette-la. Kitfois sa pou aide li pou progressé lor plan spirituel? Eski ou kapav propose pou joué sa bann cassette-la dan enn couvent kot ena bann dimoune agé? Eski ou kapav servi sa bann cassette-la pou aide ou bann famille, voisin ou-soit collegue pou gagne enn bon l’impression lor bann Témoins de Jéhovah? Nou bann cassette video, zot bann aide visuel ki bien impressionnant, instructif, ek efficace. Servi zot pou enseigné.