La Révélation : le grand dénouement est proche !
1 “Heureux enn dimoune ki lire bien fort ek bann ki tann bann parole sa prophetie-la, ek ki obeir bann kitsoz ki’nn ecrire ladan; parski le temps fixé finn kosté.” (Rév. 1:3) Sa bann parole-la attire l’attention lor valeur livre Révélation, surtout parski nou pé vive dan le temps fixé kot beaucoup bann prophetie bizin realisé. Alors, li approprié ki nou commence etudié livre La Révélation : le grand dénouement est proche ! dan l’etude de livre a partir semaine 8 janvier 2007.
2 Scene sa lé-monde-la inn changé dan beaucoup fason depuis ki dernier fois nou’nn etudié livre Révélation dan l’etude de livre. (1 Cor. 7:31) En plus, beaucoup ki’nn vinn dan la verité jamais inn gagne l’occasion pou etudié sa livre-la verset par verset dan l’etude de livre. L’etude livre Révélation bizin aide nou tou pou reste lor nou garde concernant seki pou arrivé dan l’avenir.—Rév. 16:15.
3 Fixé l’objectif pou assisté sa l’etude-la toulé-semaine. Bann renseignement ki nou pou examiné pou aide nou pou veillé. Bann message ki Jésus ti donne sa sept congregation-la aussi pou aide nou pou evite bann situation ki kapav ena enn mauvais l’effet lor nou spiritualité ek nou participation dan predication.—Rév. 1:11, 19.
4 Prepare bien: Avant chaque l’etude de livre lire tou bann verset Révélation ki nou pou examiné. Remark bien ki l’explication nou gagné pou chaque verset ki nou examiné. Faire zeffort pou comprend bann point important ki kapav touche ou leker. (Neh. 8:8, 12) Prend le temps pou medité ek demann ou-mem: ‘Ki sa aprann moi lor Jéhovah ek lor fason ki so projet pé realisé? Couma mo kapav agir en accord avek so projet ek aide lezot?’
5 Quatre-vingt douze an finn passé depuis ki “jour du Seigneur” inn commencé en 1914. (Rév. 1:10) Bann evenement ki pé bouleverse le monde ek ki livre Révélation finn annoncé, zot devant la porte. L’etude livre Révélation pou reconforte nou, pou fortifié nou la-foi ek pou faire nou ré-rappel ki “la guerre grand jour Bondié, Tout-Puissant” ek ki le monde nouveau, zot bien pré.—Rév. 16:14; 21:4, 5.