Presentation periodik
La Tour de Garde® 15 juillet
“Kan enn dimoune ki nou content mort, sa kapav faire nou bien chagrin. Eski ou pensé ki ena enn kitsoz dan nou ki contigne vive apré la mort? [Laisse dimoune-la reponn.] Jésus ti faire sa promesse bien encourageant-la. [Lire Jean 5:28, 29.] Jésus finn dire ki ena enn resurrection ki ‘pé vini,’ alors kot-sa bann dimoune mort été asterla? Sa magazine-la explik nou sa a travers la Bible.”
Réveillez-vous!® Juillet
“Beaucoup dimoune vive zot la-vie dan pli bon fason ki zot kapav ek zot pensé ki li important ki zot enn bon dimoune. Eski ou aussi ou considere la vie coumsa? [Laisse dimoune-la reponn.] Remarké ki danger ena si seki nou, nou trouve bon, li pa pareil ar seki Bondié Li, Li trouve bon. [Lire Proverbes 14:12.] Sa lartik-la expliké ki été enn bon dimoune devant lizié Bondié.” Montré lartik ki commence lor page 20.
La Tour de Garde® 1er août
“Mo ti pou content konn ou l’opinion lor enn kitsoz ki Jésus ti dire. [Lire Matthieu 5:3.] Eski ou pensé ki spiritualité li important pou nou kapav heureux? [Laisse dimoune-la reponn.] Sa magazine-la montré seki la Bible dire lor vrai spiritualité ek couma nou kapav gagne sa.”
Réveillez-vous!® août
“Kot-sa ou pensé bann parent kapav gagne bann conseil ki pou aide zot vrai-mem? [Laisse dimoune-la reponn.] Guette sa promesse ki ena dan la Bible-la. [Lire 2 Timothée 3:16.] Sa magazine-la montré nou couma la Bible li vrai-mem enn livre pratik ki kapav aide bann parent pou elevé bann zenfant ki pou heureux.”