“Reste dan l’amour Bondié”
1. Pou ki raison finn publié livre “Reste dan l’amour Bondié”?
1 Nou impatient pou etudié nouveau livre “Reste dan l’amour Bondié” dan l’etude biblik la congregation a partir semaine 23 février, pa vrai? Lettre ki College central finn ecrire pou chaque dimoune ki content Jéhovah, termine par sa bann parole-la: “Nou souhaité sincerement ki sa livre-la pou aide ou pou contigne mette la verité en pratik dan ou la vie ek coumsa ou pou kapav reste ‘dan l’amour Bondié . . . pou gagne la vie eternel.’—Jude 21.”
2. Dan ki domaine dan nou la vie sa nouveau livre-la pou aide nou?
2 Seki nou kapav attann: Couma bann principe la Bible appliké dan bann domaine couma frequentation, divertissement, respé pou l’autorité, bann l’habitude personnel, mariage, langage, ek bann coutume? Nou conscience pou formé dapré bann principe la justice bien elevé ki trouve dan Parole Bondié. (Ps. 19:7, 8) Plus nou comprend fason pensé Jéhovah, plus nou pou ena enn pli grand desir pou faire Li plaisir, ek sa pou motive nou pou obeir Li dan tou domaine nou la vie.—Prov. 27:11; 1 Jean 5:3.
3. Kifer nou bizin faire tou seki nou kapav pou participe dan l’etude chaque semaine?
3 Anou determiné pou participé: Pendant ou preparation, fixé l’objectif pou loué Bondié ensam avek so bann serviteur dan la congregation. (Héb. 13:15) Congregation en entier pou examine sa nouveau livre l’etude-la ensam. Nou pou kapav prepare bien nou l’etude parski pou ena pli tigit paragraphe pou etudié. Sa pou faire nou gagne l’assurance pou partage seki nou finn aprann. Nou bann commentaire bien preparé ek precis pou pousse lezot pou montré l’amour ek pou faire bann bon action, ek sa pou faire l’etude-la vinn vivant ek instructif. (Héb. 10:24) Nou kapav aussi gagne beaucoup la joie kan nou faire bann commentaire pou exprime nou la foi.
4. Kifer li bien important ki nou observe bann commandement Jéhovah?
4 Dernier la nuit ki li ti passé lor la terre en tant ki enn dimoune, Jésus ti expliké ki li necessaire obeir bann commandement Jéhovah pou reste dan l’amour Bondié. (Jean 15:10) Avek l’aide livre “L’amour Bondié,” nou pou plus determiné pou applik bann principe la Bible chaque jour dan nou la vie ek pou “reste dan l’amour Bondié.”—Jude 21.