Eski ou kapav faire plus dan ou ministere?
1. Kifer nou ministere li pli urgent ki avant?
1 Kan Jésus ti trouve sa quantité dimoune ki ti interessé avek la bonne nouvelle lor Royaume Bondié-la, li ti demann so bann disciple pou “suppliyé Maitre recolte pou Li envoye bann travailleur dan so recolte.” (Mat. 9:37, 38) Parski nou dan bann dernier moment sa lepok recolte-la, nou travail pli urgent ki avant. Sa vedir ki nou bizin reflechi dan la priere couma nou kapav participe plus dan predication.—Jean 14:13, 14.
2. Couma certain finn reponn sa l’appel pou envoye plus travailleur dan recolte?
2 Faire plus dan ministere: Avek direction ek l’aide Jéhovah, beaucoup finn trouvé ki li possible pou prend service pionnier. (Ps. 26:2, 3; Phil. 4:6) Certain finn faire enn zeffort special pou faire pionnier auxiliaire pou enn mois ou-soit plusieurs mois pendant l’année. Resultat: zot finn faire plus dan zot ministere. La joie ki zot finn gagné pou faire pionnier auxiliaire finn pousse beaucoup parmi zot pou reflechi lor service pionnier permanent.—Actes 20:35.
3. Si ou ti deja faire pionnier avant, lor ki kitsoz ou kapav reflechi asterla?
3 Eski ou kapav reprend service pionnier?: Si ou ti deja faire pionnier avant, surement ou pa finn blié bann bon moment ki ou finn passé dan sa service-la. Eski ou finn reflechi dan la priere lor possibilité pou refaire pionnier encore? Kitfois bann situation ki finn faire ou arrete ou service nepli pareil asterla. Kitfois ler finn arrivé pou ou reprend sa privilege pou faire service pionnier-la.—1 Jean 5:14, 15.
4. Ki grand privilege nou tou ena?
4 Recolte pé batte plein ek bientot li pou fini. (Jean 4:35, 36) Nou tou, anou examine nou situation asterla pou guetté si li possible pou faire certain changement dan nou bann activité toulé-jour pou permette nou participe plus dan predication. Ou-soit, si vrai-mem nou pa kapav faire plus dan nou ministere, eski nou kapav vinn pli efficace? (Marc 12:41-44) Oui, c’est vrai-mem enn grand privilege pou bann ki zot situation permette zot pou laisse Jéhovah servi zot dan sa travail recolte-la!—Ps. 110:3.