Eski ou’nn paré pou al lekol?
1. Ki l’occasion pé attann ou alors ki ou pou al lekol?
1 Jeune chretien, mem si c’est ou premier jour lekol ou-soit ki ou pé al dan enn lot classe, ou pou bizin faire face ar bann difficulté ek bann pression. Mais ou pou ena aussi bann nouveau l’occasion pou “rann temoignage lor la verité.” (Jean 18:37) Eski ou finn bien preparé ek ou pré pou donne enn temoignage?
2. Dan ki fason eski ou paré pou lekol?
2 Pou aide ou reussi dan chaque domaine ou la vie, Jéhovah, ou bann parent, ek l’esclave fidele et avisé finn donne ou beaucoup formation. (Prov. 1:8; 6:20; 23:23-25; Éph. 6:1-4; 2 Tim. 3:16, 17) Surement ou’nn fini koné ki bann difficulté ou pou gagné dan lekol. Avek formation ki ou’nn gagné concernant seki Bondié demandé ek parski ou koné dan ki l’environnement ou pou faire face, prepare-ou pou donne enn temoignage. (Prov. 22:3) Prend bien compte bann instruction ek suggestion ki basé lor la Bible ki trouve dan deux volume livre “ Les jeunes s’interrogent ” ek aussi ki publié regulierement dan Réveillez-vous !
3. Dan ki fason ou pou kapav donne enn temoignage?
3 Sa territoire ki zis ou tousel ena-la pou permette ou rann temoignage dan beaucoup fason. Lezot pou observe ou l’habillement ek coiffure exemplaire, ou conduite ek ou maniere kozé, ou respé envers lezot camarade lekol ek envers ou bann professeur, ek zot pou mem observe ou bann resultat dan classe. Kan zot pou observe tousala ek ki zot pou remarké ki ou ena enn bon base dan la vie, certain kitfois pou demann ou: “Kifer to different coumsa?” (Mal. 3:18; Jean 15:19) Kitfois ou kapav gagne enn l’occasion pou donne enn temoignage ek explik ou bann croyance. (1 Tim. 2:9, 10) Pendant l’année, surement ou pou ena pou faire face avek bann ceremonie national, ek bann fête. Si demann ou kifer ou pa participé, eski ou pou dire: “Pa gagne droit faire sa dan mo religion; mo enn Témoin de Jéhovah”? Ou-soit eski ou pou saisi l’occasion pou donne enn temoignage lor Jéhovah, ou Papa ki ena l’amour? Avek enn bon preparation ek l’aide Jéhovah, ou pou pré pou donne enn bon temoignage ar ou bann camarade lekol, ou bann professeur ek lezot encore.—1 Pierre 3:15.
4. Kifer eski ou ena confiance ki ou kapav reussi ou l’année dan lekol?
4 Mem si ou inpé tracassé pou al lekol, pa blié ki ou ena soutien beaucoup dimoune ki envie ki ou reussi ou l’année dan lekol. En plus, nou heureux ki kitfois ou pou ena pou donne temoignage dan ou territoire. Alors, prend courage ek paré pou al lekol!