Bann modele presentation
Pou commence bann l’etude la Bible premier samedi dan mois octobre
“Dan sa bann lepok difficile-la, nou tou nou pé faire face ar bann difficulté ki stress bann famille. Kot-sa ou pensé nou kapav trouve bann bon conseil ki pou aide nou pou ena enn la vie famille ki heureux?” Laisse dimoune-la reponn. Apré sa, donne dimoune-la enn copie La Tour de Garde 1er octobre ek examine ensam paragraphe ki trouve enba premier sous-titre lor page 16 ek 17, ek enn parmi bann verset ki’nn cité. Offert bann periodik, ek faire bann l’arrangement pou retourné pou examine enn lot question.
La Tour de Garde 1er octobre
Montré couverture periodik-la ek demann dimoune-la: “Ki ou pou ressenti si ou aprann ki finn koz ou menti lor Bondié? [Laisse dimoune-la reponn.] Couma nou pou faire difference entre seki vrai ek seki fausse? Remarké seki Jésus ti dire lor la. [Lire Jean 17:17.] Alors, zis la Bible tousel dire nou la verité lor Bondié. Sa magazine-la koz lor cinq mensonge bien populaire concernant Bondié ki la Bible devoilé.”
Réveillez-vous! Octobre
“Zordi nou pé rann visite bann famille. Dapré ou, ki pli grand difficulté bann parent gagné zordi pou elevé zot bann zenfant? [Laisse dimoune-la reponn.] Beaucoup parent rod bann conseil ki ena dan la Bible. Par exemple, sa bann parole sage-la li bien utile kan discipline bann zenfant. [Lire Éphésiens 4:31.] Sa magazine-la montré couma bann conseil la Bible kapav aide bann parent dan chaque etape dan la vie zot zenfant ziska ki li vinn enn adolescent.”