Les merveilles de la création révèlent la gloire de Dieu
Beaucoup content observe la creation. Mais bien tigit dimoune realisé ki la creation faire nou konn beaucoup kitsoz lor fason pensé ek sentiment nou Grand Createur. (Rom. 1:20) Bien longtemps avant, David ti aprann konn Jéhovah grace a So Parole inspiré. Mais David ti aussi “trouve” Jéhovah ek li ti vinn proche ar Li a travers So creation. (Ps. 8:3, 4) Video Les merveilles de la création révèlent la gloire de Dieu aide nou, nou bann zenfant, ek bann ki etudié la Bible avek nou pou observe de pré creation Jéhovah. Li aide nou aussi pou trouve bann qualité ek personnalité nou Grand Createur, ek coumsa nou pou vinn proche ar Li. Apré ki ou’nn fini guette sa video-la, guetté si ou kapav reponn sa bann question-la.
(1) Ki nou aprann lor Jéhovah kan nou guette grandeur ek l’ordre ki ena dan l’univers? (Is. 40:26) (2) Kan nou guette bien de l’eau, ki nou kapav aprann concernant sa Kikenn ki’nn faire sa-la? (Rév. 14:7) (3) Couma eski grandeur la terre ek so position par rapport ar soleil montré nou sagesse Jéhovah? (4) Ki role la lune ena? (Ps. 89:37) (5) Couma Jéhovah inn crée bann dimoune pou zot kapav profite la vie? (6) Ki été l’ADN? (Ps. 139:16) (7) Dan tou seki Jéhovah inn crée lor la terre, couma eski bann humain zot different? (Gen. 1:26) (8) Dan le monde nouveau, ki ou pé attann avek impatience?
Bonus: (9) Kot-sa bann couleur sorti? (10) Couma de l’eau defié la loi gravité pou li reussi monte ziska dan boute bann pié? (11) Ki role de l’eau joué dan nou lekor? (12) Donne bann l’exemple concernant cooperation ki ena entre bann creature vivant. (13) Couma bann creature koné ki zot bizin forme bann lien entre zot? (14) Ki été “ l’angle d’or, ” ek couma nou trouve sa dan la creation?
“Observe bien” creation Jéhovah: Jésus ti encourage nou pou “observe bien bann zoiseau dan le ciel” ek pou “tire leson ar bann lis ki dan karo.” (Mat. 6:26, 28) Si nou faire sa, sa kapav augmente nou la foi, faire nou ena plus confiance en nou Createur, ek ena encore plus reconnaissance pou sagesse Jéhovah, so capacité pou sap so peuple, ek so l’amour. Au lieu ki nou laisse-nou distraire pou nanyin par bann kitsoz ki bann dimoune inn faire dan sa le monde-la, anou reserve le temps ek faire zeffort pou observe bann merveille dan creation Jéhovah. Anou medite lor seki la creation aprann nou lor nou grand Bondié.—Ps. 19:1.