“Protege to conscience!”
1. Ki theme l’assemblée special enn jour pou l’année service 2013, ek ki but sa l’assemblée-la ena?
1 Chaque jour, nou exposé devant bann situation ki kapav faire nou conscience di-tort. C’est a cause sa ki theme l’assemblée special enn jour pou l’année service 2013 (ki pou commencé 1er septembre 2012) c’est: “Protege to conscience!” (1 Tim. 1:19) Sa l’assemblée-la pou aide sakenn parmi nou pou reflechi avek serieux couma li pé servi sa don extraordinaire ki nou Createur finn donne nou-la.
2. Ki bann question important pou reponn pendant sa l’assemblée-la?
2 Rod sa bann reponse-la: Sa l’assemblée-la pou reponn sept question principal concernant nou conscience:
• Ki kitsoz enn danger pou nou conscience?
• Couma nou kapav forme nou conscience?
• Couma li possible pou ki nou pena di-sang personne lor nou la tête?
• Kan nou pense ek agir en accord avek bann principe biblik, ki sa revelé lor nou?
• Couma nou kapav evite blesse conscience lezot?
• Jeune, couma ou kapav faire face ar bann pression ki ena lor ou pou faire seki pa bon?
• Kan bann dimoune laisse l’esprit saint dirige zot conscience, ki bienfait zot gagné?
3. Couma nou pou kapav profite bien sa l’assemblée-la?
3 Avek l’aide Jéhovah nou kapav resisté kont bann zeffort ki Satan faire pou pourri nou conscience. Par moyen so Parole ek so l’organisation, nou Papa ki dan le ciel, ki content nou, pé dire nou: “Ala chemin-la. Marche ladan.” (Is. 30:21) Sa l’assemblée-la c’est enn moyen ki Jéhovah servi pou guide nou. Alors, faire bann l’arrangement pou assisté sa l’assemblée-la en entier. Ecoute bien, ek guetté couma ou kapav applik seki pé dire. Koz lor programme-la avek ou famille. Kan nou mette en pratik bann l’instruction ki nou gagné, sa pou donne nou la force pou contigne “ena enn bon conscience.” Li pou aussi aide nou pou pa laisse bann plaisir ki ena dan le monde Satan tente nou pou faire bann kitsoz ki kapav gate nou relation avek Jéhovah.—1 Pierre 3:16.