Ki Pousse Nou pou Preché?
1. Lamour pou kisannla pousse nou pou preché?
1 Preche bon nouvelle lor Royaume Bondié c’est travail pli important ki nou kapav faire azordi. En realité, avek sa enn l’activité-la nou montré ki nou pé obeir deux pli grand commandement, setadir, content Jéhovah ek content nou prochain. (Marc 12:29-31) Lamour li couma enn la force puissant ki kapav pousse nou pou vinn bann proclamateur zelé.—1 Jean 5:3.
2. Couma kan nou preché, nou montré nou lamour pou Jéhovah?
2 Lamour pou Jéhovah: Nou lamour pou Jéhovah, nou Camarade ki nou bien content, pousse nou pou defann Li. Pendant apepré 6,000 an, Satan finn koz menti lor Jéhovah pou gate so reputation. (2 Cor. 4:3, 4) A cause sa-mem bann dimoune croire ki Bondié torture bann ki faire peché dan enn l’enfer difé, ki Li enn Trinité ki personne pa kapav comprend, ek ki Li pa interessé avek bann dimoune. Beaucoup finn mem tire conclusion ki Bondié pa existé. Alors, nou bien envie ki bann dimoune konn la verité lor nou Papa ki dan le ciel! Kan nou faire bann grand zeffort pou rann temoignage lor Jéhovah, sa faire Li bien content ek sa faire Satan en colere.—Prov. 27:11; Héb. 13:15, 16.
3. Couma kan nou preché, nou montré nou lamour pou nou prochain?
3 Lamour pou Nou Prochain: Chaque fois ki nou rann temoignage ar enn dimoune, nou montré ki nou ena lamour pou li. Bann dimoune bien bizin tann la bonne nouvelle dan sa lepok critik ki nou pé vive-la. Beaucoup parmi zot pareil couma bann Ninivite ki ti vive dan lepok Yona ek ki pa ‘ti konn diferans entre zot droite ek zot gauche.’ (Yona 4:11) Nou ministere montré bann dimoune couma pou vive heureux ek couma pou reussi zot lavi. (Is. 48:17-19) Sa donne zot l’espoir. (Rom. 15:4) Si zot ecoute ek mette en pratik seki zot aprann, zot “pou sauvé.”—Rom. 10:13, 14.
4. Ki Jéhovah jamais pa pou blié?
4 Bann bon zenfant faire zeffort pou montré lamour pou zot parent touletan, pa zis dan certain l’occasion. Li pareil pou nou’si, nou grand lamour pou Bondié ek pou nou prochain pou pousse nou pou rod bann l’occasion pou rann temoignage, pa zis dan bann moment ki’nn prevoir pou preché, mais touletan. Alors, nou pou preché sans arreté. (Actes 5:42) Jéhovah jamais pa pou blié sa qualité lamour-la.—Héb. 6:10.