Bann Model Prezantasion
Pou Koumans Bann Letid Labib Premie Samdi dan Mwa Ziliet
“Dapre ou, ki Bondie panse lor nou lapriyer? Eski ou panse vremem Li ekoute kan nou priye?” Les dimounn-la reponn. Montre li dernie paz Latour Degard 1e Ziliet, an Franse. Examinn ansam bann paragraf anba premie kestion ek omwin enn verse ki’nn site. Ofer li bann magazinn, ek fer laranzman pou retourne pou examinn prosin kestion.
La Tour de Garde 1e Ziliet
“Lefe ki Bondie Li tou-pwisan, eski ou panse Limem ki responsab bann maler ki pe arive dan lemond? [Les dimounn-la reponn. Apre sa lir Jacques 1:13.] Sa magazinn-la explike kifer bann maler arive ek ki Bondie pou fer pou eliminn tou bann maler ek soufrans.”
Réveillez-vous! Ziliet
“Enn zour pa enn zour, nou tou nou konn bann maler, kouma par exanp, enn katastrof natirel, enn maladi grav, ouswa lamor enn kikenn ki nou bien kontan. Kan sa bann kitsoz-la arive, eski ou panse li inportan nou gard enn latitid pozitif? [Les dimounn-la reponn.] Boukou dimounn inn gagn enn konsolasion kan zot inn lir Labib. [Lir Romains 15:4.] Sa magazinn-la explike kouma Labib kapav ed nou fer fas ar bann maler.”