NOU LAVI KRETIEN
Prese ek Ansegne: Inportan pou Fer Bann Disip
Zezi ti donn so bann disip lord pou ale ek fer bann disip. (Mt 28:19) Ale ek fer bann disip inplik prese ek ansegne. Detanzantan, li bon ki nou demann noumem, ‘Kouma eski mo kapav amelior mwa dan sa de domenn-la: prese ek ansegne?’
PRESE
Olie ki nou atann bann dimounn vinn ver nou, nou bizin fer bann zefor pou al rod bann dimounn ki “dign.” (Mt 10:11) Kan nou pe prese, eski nou vey tou lokazion pou koz ar bann dimounn ‘ki pas par la’? (Zis 17:17) Gras-a travay dir ki lapot Pol ti fer dan predikasion, Lidi ti vinn enn disip.—Zis 16:13-15.
“Dan gramatin, sem to bann lagrin ek ziska aswar pa les to lame repoze” (Ek 11:6)
GET VIDEO KONTIGN PRESE “SAN ARETE”: DAN ENN FASON INFORMEL EK LAKAZ-LAKAZ, EK REPONN SA BANN KESTION-LA:
Dan so lavi toulezour, kouma Samuel ti montre ki li ti pe fer zefor pou plant bann lagrin laverite?
Kifer nou bizin persevere dan tou form predikasion?
Dan to lavi toulezour, ar kisannla to kapav partaz mesaz lor Rwayom Bondie?
ANSEGNE
Pou fer bann disip, nou bizin fer plis ki zis kit bann piblikasion ar bann dimounn. Pou ed zot progrese lor plan spiritiel, nou bizin fer bann vizit ek fer bann letid Labib. (1Ko 3:6-9) Me, ki nou pou fer si nou gagn tigit rezilta, malgre tou bann bon zefor ki nou fer pou ansegn enn dimounn laverite lor Rwayom Bondie? (Mt 13:19-22) Nou bizin kontign rod bann dimounn ki zot leker kouma “bon later.”—Mt 13:23; Zis 13:48.
“Mwa mo finn plant lagrin, Apolos finn aroze, me Bondie ki finn fer pouse” (1Ko 3:6)
GET VIDEO KONTIGN PRESE “SAN ARETE”: AN PIBLIK EK FER BANN DISIP, EK REPONN SA BANN KESTION-LA:
Kouma Salomon ek Marie ti aroz lagrin laverite dan leker Ezekiel ek Abigail?
Ki lobzektif nou bizin ena konsernan tou bann form predikasion, mem dan bann plas piblik?
Kouma nou kapav met plis laksan lor ansegn lezot laverite?