BANN TREZOR DAN PAROL BONDIE | ZAN 5-6

Swiv Zezi Avek Bann Bon Mobil

6:9-11, 25-27, 54, 66-69

Kan Zezi ti donn enn lexanp ki so bann disip ti trouv difisil pou konpran, sertin dimounn ti soke ek ti nepli swiv li. Zis enn zour avan, Zezi ti nouri zot par enn mirak, sa ti montre ki so pouvwar sorti kot Bondie. Alor kifer zot ti soke? Li paret ki zot ti swiv Zezi avek bann lintansion egois. Zot ti swiv Zezi pou gagn bann lavantaz materyel.

Sakenn parmi nou bizin demann limem: ‘Kifer mo pe swiv Zezi? Eski se prinsipalman pou bann benediksion ki mo gagne asterla ek dan lavenir? Ouswa se parski mo kontan Zeova ek mo anvi fer Li plezir?’

Zezi nouri so bann disip par enn mirak; boukou disip kit Zezi ek li demann so bann zapot si zot osi zot pou kit li

Si nou servi Zeova prinsipalman pou bann rezon ki mansione anba, kifer nou kapav soke?

Nou kontan pou avek bann dimounn ki kontan Bondie
Nou anvi viv dan Paradi