“Kontign Pran Bien Kont Sa Bann Kitsoz-La”

Ki sa bann kitsoz-la sa? Filipien 4:8, (NW) dir nou kontign pran bien kont: “Tou kitsoz ki vre, tou kitsoz ki serye, tou kitsoz ki drwat, tou kitsoz ki san tas, tou kitsoz ki merite ki nou kontan zot, tou kitsoz ki dimounn koz an bien, tou kitsoz ki bon lor plan moral ek ki merit gagn loner.” Biensir, sa pa vedir ki enn Kretien bizin touletan pans zis Labib. Me selman, bann kitsoz lor ki nou swazir pou reflesi bizin fer plezir Zeova. Fode pa nou konsantre lor bann kitsoz ki pou anpes nou res fidel ar Zeova.​—Ps 19:14.

Li kapav bien difisil pou evit bann move panse. Nou pena pou lit zis kont nou prop linperfeksion me osi kont Satan, “bondie sa sistem-la.” (2Ko 4:4, NW) Satan kontrol tou bann media dan lemond, akoz sa, laplipar bann kitsoz ki ena lor televizion, lor radio, lor Internet, dan bann liv, zournal, ek magazinn bien imoral. Si nou pa fer atansion ar seki nou met dan nou lespri, nou fason panse pou kontamine, ek alafin, sa pou ena enn lefe lor nou fason azir.​—Zak 1:14, 15.

GET VIDEO REJETONS CE QUI MINE LA FIDÉLITÉ : LES DIVERTISSEMENTS INCONVENANTS, EK APRE SA, REPONN SA BANN KESTION-LA:

• 

  Ki kitsoz frer-la ti pe gete lor so portab, ek ki lefe sa ti ena lor li?

• 

  Kouma Galat 6:7, 8 ek Psom 119:37 (NW) ti ed li?