Tini Ferm Amezir ki Lafin Pe Koste

KIFER LI INPORTAN: Biento, bann kitsoz extraordiner pou arive, ek lerla, kouma zame avan nou pou bizin ena kouraz ek montre ki nou ena konfians dan Zeova. Gran detres pou koumanse kan pou detrir fos relizion. (Mt 24:21; Rev 17:16, 17) Pandan sa lepok-la, pou ena boukou levennman ek lerla kitfwa nou pou bizin pres enn mesaz zizman ki bien direk ek ki fer dimal. (Rev 16:21) Gog ki sorti Magog pou atak nou. (Ez 38:10-12, 14-16) Pou defann so pep, Zeova pou amenn ‘lager gran zour Bondie Toupwisan.’ (Rev 16:14, 16) Si depi asterla mem nou tini ferm devan bann leprev ki pe teste nou lafwa, nou pou ena plis kouraz pou bann levennman ki pou arive dan lavenir.

KOUMA POU FER SA:

• Avek kouraz, defann ek viv an-akor avek bann prinsip Zeova.​—Iz 5:20

• Kontign ador Zeova ansam avek bann lezot adorater Zeova.​—Eb 10:24, 25

• Pa tarde pou obeir bann instriksion ki lorganizasion Zeova done.​—Eb 13:17

• Medit lor kouma Zeova ti sov so pep dan lepase.​—2Pi 2:9

• Priye Zeova ek, ena konfians dan Li.​—Ps 112:7, 8

GET VIDEO BANN LEVENNMAN DAN LAVENIR KOT NOU POU BIZIN ENA KOURAZ​—EXTRE, EK APRE SA, REPONN SA BANN KESTION-LA:

• 

  Kouma kan ti demann bann proklamater pou form parti lezot lasanble, sa ti teste zot lobeisans?

• 

  Kouma kan nou obeir, sa ed nou pou ena kouraz?

• 

  Kifer nou pou bizin ena kouraz kan Armagedon pou vini?

• 

  Ki zistwar Labib kapav ed nou pou fortifie nou lafwa dan pouvwar ki Zeova ena pou sov nou?​—2Kr 20:1-24