Kanpagn Spesial an Novam pou Proklam Rwayom Bondie

Zezi ti anons “Bonn Nouvel Rwayom Bondie.” (Lk 4:43) Li ti osi ansegn bann dimounn pou priye pou sa Rwayom-la. (Mt 6:9, 10) Pandan mwa Novam, nou pou fer enn zefor spesial pou proklam Rwayom Bondie. (Mt 24:14) Organiz twa pou ki to kapav partisip dan sa kanpagn-la afon. Tou bann ki pou fer pionie tanporer kapav swazir pou fer 30 ouswa 50 er-tan sa mwa-la.

Partaz enn verse ki ena enn lien ar Rwayom Bondie avek pli boukou dimounn ki to kapav dan to teritwar. Kan to swazir enn verse, pran an konsiderasion krwayans bann ki pe ekout twa. Kan to pe fer enn premie kontak, si dimounn-la montre lintere, donn li enn kopi edision piblik Latour Degard No. 2, 2020. Apre sa, swiv lintere dimounn-la pli vit posib, ek servi enn piblikasion ki dan nou Kes Zouti pou Ansegne pou esey koumans enn letid. Res enn tigit letan avan ki Rwayom Bondie detrir tou bann gouvernman ki opoze ar li. (Dn 2:44; 1Ko 15:24, 25, NW) Alor, anou sezi sa lokazion spesial la pou montre nou fidelite anver Zeova ek so Rwayom!