Nou Montre Lamour kan Nou Azir An-Akor Avek Disiplinn Zeova

Dispozision ki pran pou exkli enn dimounn protez lasanble ek disiplinn dimounn ki pa repanti la. (1Ko 5:6, 11) Kan nou soutenir sa dispozision ki Zeova inn pran la, nou montre lamour. Me selman, kan exkli enn dimounn sa fer tou bann dimounn ki konserne, setadir so bann fami pros ek bann ki dan komite disiplinn relizie, soufer. Alor, kouma kan nou soutenir sa dispozision-la, sa montre ki nou ena lamour?

Seki pli inportan, se, ki nou montre lamour pou Zeova so repitasion ek so bann prinsip lor pirte. (1Pi 1:14-16) Nou osi montre lamour pou sa dimounn ki’nn exkli la. Enn disiplinn ki ferm, mem si li fer dimal, li kapav prodir “fri lape ek lazistis.” (Eb 12:5, 6, 11) Si nou frekant enn dimounn ki’nn exkli ouswa ki’nn retir limem dan lasanble, nou pou al kont disiplinn Zeova. Rapel, Zeova disiplinn so pep “zis kantite ki bizin.” (Zr 30:11) Amezir ki nou soutenir disiplinn Zeova ek fer tou pou gard enn bon relasion avek Li, nou kontign gard lespwar ki sa dimounn-la pou retourn ver nou Papa ki ranpli ar mizerikord.​—Iz 1:16-18; 55:7.

GET VIDEO ANOU RES FIDEL AVEK TOU NOU LEKER, EK APRE SA, REPONN SA BANN KESTION-LA:

• 

  Ki douler bann paran Kretien resanti kan enn zanfan kit Zeova?

• 

  Kouma lasanble kapav soutenir bann manb lafami ki fidel?

• 

  Ki lexanp dan Labib montre ki nou fidelite anver Zeova bizin pli for ki nou fidelite anver nou fami?

• 

  Kouma nou fer nou fidelite anver Zeova pas avan nou fidelite anver nou fami?