Kot to ete lor semin ki amenn ver batem?
NOU LAVI KRETIEN
Swazir pou Servi Zeova
Si to enn zenn proklamater ki pa batize ouswa enn etidian Labib, eski to ena lobzektif pou pran batem? Kifer to bizin pran batem? Parski nou koumans ena enn relasion spesial avek Zeova kan nou vwe nou lavi ar Li ek pran batem. (Ps 91:1, NW) Gras-a sa nou kapav osi gagn lavi sov. (1Pi 3:21) Ki bann zefor to bizin fer pou vwe to lavi ar Zeova ek pran batem?
Prouv tomem ki seki to pe aprann se laverite. Kan to ena bann kestion, fer bann resers pou gagn bann repons. (Rom 12:2) Reflesi lor bann sanzman ki to bizin fer, ek kan to fer sa bann sanzman-la, fer sir ki se to dezir pou fer plezir Zeova ki pous twa pou fer zot. (Pr 27:11; Ef 4:23, 24) Touletan priye Zeova pou gagn so led. To kapav sir ki Zeova pou servi so lespri sin ki bien pwisan pou fortifie twa ek soutenir twa. (1Pi 5:10, 11) Li vo lapenn ki to fer sa bann zefor-la. Servi Zeova, samem pli bon sime ki ena dan lavi!—Ps 16:11.
GET VIDEO SEMIN KI AMENN VER BATEM, EK APRE SA, REPONN SA BANN KESTION-LA:
Ki bann difikilte sertin finn bizin sirmonte pou ki zot kapav pran batem?
Kouma to kapav devlop lafwa ki to bizin pou ki to kapav vwe to lavi ar Zeova?
Ki finn pous sertin pou ranpli bann kondision pou pran batem?
Kouma eski Zeova beni bann ki swazir pou servi Li?
Ki vedir vwe nou lavi ar Zeova ek pran batem?