AMELIOR TO MINISTER | OGMANT TO LAZWA DAN TO MINISTER
Ed Bann Etidian Labib pou Asiste Bann Renion
Bann renion bien inportan dan nou ladorasion pou Zeova. (Ps 22:22) Kan nou zwenn ansam pou ador Zeova, nou gagn lazwa ek bann benediksion. (Ps 65:4) Souvan bann etidian Labib progrese pli vit kan zot asiste bann renion regilierman.
Kouma to kapav ed to bann etidian pou asiste bann renion? Kontigne invit zot. Montre zot video Ki Pase dan Lasal Bann Temwin Zeova? Partaz avek zot bann bienfe ki nou gagne kan nou asiste bann renion. (lff leson 10) To kapav partaz enn pwin ki to’nn kontan dan renion ouswa dir zot lor ki kitsoz prosin renion pou koze. Donn to bann etidian bann piblikasion ki pou servi. Propoz pou ed zot dan enn fason pratik. Kitfwa zot bizin led pou vinn renion. Kan premie fwa to etidian pou asiste enn renion, to pou realize ki li ti vo lapenn pou fer tou sa zefor-la.—1Ko 14:24, 25.
GET VIDEO ED TO BANN ETIDIAN LABIB POU ASISTE BANN RENION, EK APRE SA, REPONN SA BANN KESTION-LA:
Kouma Neeta inn profit lokazion pou invit Jade pou vinn renion?
Kifer nou zwaye kan enn etidian Labib asiste renion?
“Vremem Bondie parmi zot”
Ki Jade ti trouve kan li ti asiste renion premie fwa?