Aprann ar Lexanp Samiel

Samiel ti res fidel ar Zeova toutlong so lavi. Mem si li ti pli tipti ki Ofni ek Fineas, bann garson Eli, Samiel ti refiz pou fer bann move kitsoz ki bannla ti pe fer. (1Sa 2:22-26) Samiel ti pe kontign grandi ek Zeova Limem ti avek li. (1Sa 3:19) Kan li ti vinn vie, Samiel ti kontign servi Zeova avek fidelite, mem si so bann garson pa ti fidel.​—1Sa 8:1-5.

Ki nou aprann ar lexanp Samiel? Si to enn zenn, to kapav sir ki Zeova konn bien ek konpran bien bann sitiasion ar ki to bizin fer fas ek seki to resanti. Li kapav ed twa pou ena kouraz. (Iz 41:10, 13) Si to enn paran ek ki to zanfan inn aret servi Zeova, sa kapav tir enn pwa lor to leker kan to kone ki mem Samiel pa ti kapav fors so bann garson ki adilt pou res fidel avek Zeova. Samiel ti les sa sitiasion-la dan lame Zeova, li ti kontign fer seki bon ek fer plezir so Papa, Zeova. Kitfwa to bon lexanp kapav ed to zanfan pou retourn ar Zeova.

GET VIDEO APRANN AR ZOT LEXANP​—SAMIEL, EK APRE SA, REPONN SA BANN KESTION-LA:

• 

  Kouma Samiel ti montre kouraz kan li ti ankor bien zenn?

• 

  Kouma Danny ti montre kouraz?

• 

  Mem kan li’nn vinn vie, kouma Samiel finn les nou enn bon lexanp?

• 

  Kouma Danny so bann paran inn donn nou enn bon lexanp?