NOU LAVI KRETIEN
Kontrol To Bann Dezir
Parski nou inparfe, touletan nou pe lite pou kontrol nou bann dezir. Me, si nou les nou bann dezir kontrol nou, sa kapav gat nou relasion avek Zeova. Par exanp, sertin kontan linz, manze ek zot lakaz plis ki Bondie. Ena ki satisfer zot bann dezir sexiel san ki zot pran kont bann prinsip Bondie. (Rom 1:26, 27) Ena ki aksepte pou fer bann move kitsoz zis parski zot anvi ki lezot kontan zot ek aksepte zot.—Ex 23:2.
Kouma nou kapav kontrol nou bann dezir? Nou bizin fer zefor pou res konsantre lor bann kitsoz ki fer Zeova plezir. (Mt 4:4) Nou bizin osi sipliy Zeova pou ed nou kontrol nou bann dezir. Kifer? Parski Li kone ki pli bon pou nou ek Li kone kouma pou satisfer nou bann dezir.—Ps 145:16.
GET VIDEO PA LES SIGARET FINI TO LAVI, EK APRE SA, REPONN SA BANN KESTION-LA:
Kifer sertin dimounn fime?
Kan to fime, ki konsekans sa kapav ena lor twa?
Kifer sigaret elektronik osi pa bon?—2Ko 7:1
To kapav reziste kont lanvi pou fime!
Kouma to kapav refiz sigaret ouswa aret fime?