De Lerwa Ki Opoz Zot ar Zot Kamarad dan Lepok Lafin
Sertin profesi ki ena lor sa tablo-la dekrir bann levennman ki arive anmemtan. Tou sa bann profesi-la montre ki nou pe viv dan “lepok lafin.”—Dan. 12:4.
Verse Rev. 11:7; 12:13, 17; 13: 1-8, 12
Profesi Pandan plizir milye lane, “bebet sovaz” inn regne lor later. Dan lepok lafin, so setiem latet inn blese. Plitar, so latet inn geri ek “later antie” swiv bebet-la. Satan servi sa bebet-la pou “deklar lager” avek bann Kretien ki ena lesperans pou al dan lesiel me ki ankor lor later.
Lakonplisman Apre Deliz, koumans ena bann gouvernman imin ek zot opoz zot ar Zeova. Plis ki 3,000 an apre, enn parmi sa bann gouvernman pwisan la, setadir Grande-Bretagne, koumans perdi so pwisans pandan Premie Lager Mondial. Li revinn for kan li fer enn lalians avek l’États-Unis. Dan lepok lafin, Satan pe servi tou bann gouvernman lor later pou persekit pep Bondie.
Verse Dan. 11:25-45
Profesi Lerwa dinor ek lerwa disid opoz zot ar zot kamarad dan lepok lafin.
Lakonplisman L’Allemagne ek Pwisans Anglo-Ameriken opoz zot ar zot kamarad. An 1945, l’Union Soviétique ek so bann alie vinn lerwa dinor. An 1991, l’Union Soviétique aret existe, ek avek letan, la Russie ek so bann alie vinn lerwa dinor.
Verse Iza. 61:1; Mal. 3:1; Lik 4:18
Profesi Zeova avoy so “mesaze” pou “ouver enn semin” avan ki Rwayom Mesianik etabli. Sa mesaze-la ti koumans “anons bann bon nouvel ar bann dimounn ki ena limilite.”
Lakonplisman Apartir 1870, Frer Russell ek so bann asosie ti etidie Labib an profonder pou kone seki li ansegne vremem. An 1881, zot ti realize ki li bien inportan ki bann serviter Bondie prese. Zot ti pibliye bann lartik kouma “Pe Rod 1,000 Predikater” ek “Finn Gagn Lespri Sin pou Al Prese.”
Verse Mat. 13:24-30, 36-43
Profesi Enn zom sem dible dan enn karo. Me apre, enn lennmi sem bann move zerb dan sa karo-la. Move zerb-la pouse ek kasiet dible-la. Dan lepok rekolt, inn separ move zerb ar dible.
Lakonplisman Apartir 1870, deplizanpli ti kapav fer diferans ant bann vre Kretien ek bann fos Kretien. Pandan lepok lafin, inn rasanble bann vre Kretien ek inn separ zot ar bann fos Kretien.
Verse Dan. 2:31-33, 41-43
Profesi Enn stati ki an plizir metal ek so lipie an feray ek larzil.
Lakonplisman Larzil reprezant bann dimounn ki anba gouvernman Grande-Bretagne ek l’États-Unis me ki rebel kont zot. Akoz sa bann dimounn-la, sa bann gouvernman-la pa kapav servi zot pouvwar kouma zot anvi.
Verse Mat. 13:30; 24:14, 45, NW; 28:19, 20
Profesi Finn ramas “dible” dan “grenie” ek finn etabli “lesklav fidel ek saz” lor bann “domestik.” “Bonn Nouvel Rwayom Bondie” ti koumans prese “partou dan lemonn.”
Lakonplisman An 1919, inn etabli lesklav fidel ek saz lor pep Bondie. Apartir sa moman-la, bann etidian Labib ti pres pli boukou. Azordi, bann Temwin Zeova pres dan plis ki 200 pei ek zot prodir bann piblikasion Biblik dan plis ki 1,000 lang.
Verse Dan. 12:11; Rev. 13:11, 14, 15
Profesi Enn bebet sovaz avek de korn ankouraz bann dimounn pou fer ‘enn zimaz sa bebet sovaz la’ ek li donn lavi “zimaz bebet la.”
Lakonplisman Pwisans Mondial Anglo-Ameriken ti etabli Société des Nations. Bann lezot nasion ti soutenir sa lorganizasion-la. Finalman, lerwa dinor osi ti soutenir Société des Nations depi 1926 ziska 1933. Société des Nations, parey kouma l’ONU ki ti etabli apre li, ti gagn laglwar ki Rwayom Bondie merite.
Verse Dan. 8:23, 24
Profesi Enn lerwa ki ena enn figir bien dir ti “amenn enn gran destriksion.”
Lakonplisman Pwisans Mondial Anglo-Ameriken inn fer boukou ditor. Par exanp, pandan Deziem Lager Mondial, l’États-Unis ti larg de bom atomik lor enn lennmi Pwisans Anglo-Ameriken. Sa ti fer pli boukou dega ki tou lezot bom dan listwar.
Verse Dan. 11:31; Rev. 17:3, 7-11
Profesi Sa “bebet rouz” avek dis korn la sorti dan pwi-san-fon ek li enn witiem lerwa. Liv Daniel koz lor sa lerwa-la kouma “sa kitsoz degoutan ki fer bann dega la.”
Lakonplisman Pandan Deziem Lager Mondial, Société des Nations aret existe. Apre lager, l’ONU inn “etabli.” Parey kouma Société des Nations, l’ONU inn gagn laglwar ki Rwayom Bondie merite. L’ONU pou atak bann relizion.
Verse 1 Tes. 5:3; Rev. 17:16
Profesi Bann nasion anonse ki ena “lape ek sekirite.” Lerla, “dis korn” ek “bebet sovaz” atak “prostitie la” ek detrir li. Apre sa, bann nasion detrir net.
Lakonplisman Bann nasion pou fer krwar ki zot inn reisi amenn lape ek sekirite dan lemond. Lerla, bann nasion ki soutenir l’ONU pou detrir bann fos relizion. Sa pou koumansman gran detres. Gran detres pou fini kan Zezi pou detrir leres lemond Satan pandan Armagedon.
Verse Eze. 38:11, 14-17; Mat. 24:31
Profesi Gog anvayir pei pep Bondie. Lerla, bann anz pou rasanble bann ki finn “swazir.”
Lakonplisman Lerwa dinor ansam avek lezot gouvernman pou atak pep Bondie. Inpe apre ki sa latak-la inn koumanse, bann Kretien ki ena lesperans pou al dan lesiel, me ki ankor lor later, pou mont dan lesiel.
Verse Eze. 38:18-23; Dan. 2:34, 35, 44, 45; Rev. 6:2; 16:14, 16; 17:14; 19:20
Profesi “Dimounn ki ti pe mont” lor “enn seval blan” gagn “laviktwar” kan li detrir Gog ek so larme. Lerla, zet “bebet” sovaz dan “landrwa ranpli ar dife ki brile,” ek enn ros detrir sa gran stati-la.
Lakonplisman Zezi, Lerwa Rwayom Bondie, pou sap pep Bondie. Zezi, bann 144,000 ek bann anz pou detrir tou bann nasion ki pe atak pep Bondie. Lerla, lemond Satan pou detrir net.