Sizesion lor Kouma pou Servi Nou Sit

Rod Bann Lartik ki Paret lor Paz Lakey

Boukou frer ek ser kontan servi bann lartik ki lor nou paz lakey dan predikasion. Li fasil pou servi nou bann laparey elektronik pou avoy sa bann lartik-la. Bien souvan, sa bann lartik-la explike kouma bann levennman ki pe arive azordi pe realiz bann profesi Labib. Enn frer ti ekrir ki, bann lartik lor nou paz lakey “se exakteman seki nou bizin pou nou predikasion azordi.”

Me souvan sa bann lartik-la sanze. Alor, kouma nou kapav rod bann lartik ki nepli lor nou paz lakey? Lor jw.org ouswa lor JW Library^®, al dan seksion “Bibliotek,” lerla swazir “Seri Lartik,” ek apre swazir “Lezot Lartik.” Dan sa seksion-la, ena bann lartik ki’nn deza paret lor nou paz lakey.