Sizesion lor Kouma pou Etidie

Kouma To Kapav Res Azour Avek Bann Nouvo Explikasion?

Se enn gran privilez pou viv lepok kot Zeova tigit-tigit pe ed nou pou konpran pli bien bann lansegnman ki ena dan Labib! (Dan. 12:4) Selman, kan sanz fason ki nou ti pe konpran enn lansegnman, kitfwa nou kapav gagn difikilte pou res azour avek bann nouvo explikasion. Kotsa nou kapav trouv sa bann sanzman-la ek sa bann nouvo explikasion-la?

• Dan l’Index des publications des Témoins de Jéhovah, dan « Éclaircissements doctrinaux » ena enn lalis bann sanzman, dapre lane ki’nn sanz zot. Pou gagn lalis-la par size, al lor Watchtower Library ouswa Watchtower BIBLIOTEK LOR INTERNET ek tap « éclaircissements doctrinaux » (met li ant bann gime) dan bwat rode.

• Dan Liv Resers pou Bann Temwin Zeova, ena enn pli tipti lalis par size. Al dan “Bann Temwin Zeova,” apre sa al dan “Bann Diferan Lopinion ek Krwayans,” ek apre al dan “Bann Eklersisman Konsernan Nou Bann Krwayans.”

Dan to letid personel, eski to kapav swazir enn nouvo explikasion ek fer bann resers pou kone kifer finn fer sa sanzman-la?