Prepar To Leker

Kan nou etidie Labib, nou anvi ki seki nou aprann lor Zeova tous nou leker. Esdras enn bon lexanp dan sa domenn-la parski li “ti prepar so leker pou examinn Lalwa Zeova.” (Esdr. 7:10) Kouma nou kapav prepar nou leker parey kouma Esdras?

Lapriyer. Avan ki to koumans etidie, fer enn lapriyer. Demann Zeova pou ed twa konpran ek pou met an pratik seki to pe aprann.—Ps. 119:18, 34.

Ena limilite. Bondie kasiet laverite ar bann dimounn ki orgeye ek ki panse ki zot pa bizin Bondie pou konpran Labib. (Lik 10:21) Fode pa ki to etidie Labib zis pou montre lezot ki to pli kone. Kan to aprann enn kitsoz ek ki to trouve ki to ena bann sanzman pou fer, avek limilite fer bann sanzman-la.

Ekout enn nou bann sante. Lamizik ena enn lefe lor nou bann santiman. Alor, si to ekout enn sante avan ki to etidie, sa kapav prepar to leker ek ed twa pou res konsantre. Lerla, seki to pou aprann pou tous to leker.