Eski To Rapel?

Eski to finn lir bann nimero Latour Degard pou sa lane-la? Alor, gete si to kapav reponn sa bann kestion-la:

Ki kitsoz bizin motiv nou pou donn Zeova laglwar?

Nou donn Zeova laglwar parski nou ena enn gran respe pou Li ek nou vremem kontan Li. Nou donn Li laglwar osi parski nou anvi ki lezot konn Li.—w25.01, p. 3.

Kan enn kikenn fer nou ditor, ki kitsoz kapav ed nou pou pardonn li?

Fode pa ki nou inior seki nou resanti. Selman, kan nou rezet bann santiman kouma lakoler ek rankinn, nou pou protez nou leker kont bann santiman negatif.—w25.02, p. 15-16.

Kifer Mark enn bon lexanp pou bann zenn frer?

Mark ti dispoze pou servi lezot. Kan enn sitiasion ti bien bles li ek ti bien dekouraz li, Mark pa ti bes lebra. Li ti pas boukou letan ar Pol ek bann lezot frer ki ti ena lexperyans.—w25.04, p. 27.

Konsernan nom Zeova, Zezi ti dir: “Mo finn fer zot konn to nom.” Ki li ti pe rod dir? (Zan 17:26)

Bann disip Zezi ti deza konn nom Bondie. Selman, Zezi ti ed zot pou konn Zeova pli bien, setadir pou konn proze ki Li ena pou later ek pou bann dimounn, pou konn so bann zoli kalite, ek pou kone seki Li’nn fer ek seki Li pou fer pou zot.—w25.05, p. 20-21.

Si nou ena modesti, ki kitsoz nou pou rekonet?

Nou pou rekonet ki nou pa konn tou kitsoz. Par exanp, nou pa kone kan lafin pou vini ek kouma Zeova pou ed nou sa lepok-la. Nou pa kone osi ki pou arive dan lavenir ek nou pa kone ki kantite Zeova konn nou.—w25.06, p. 15-18.

Ki kitsoz kapav ed nou pou gagn bann bienfe ar enn lartik ouswa ar enn diskour piblik?

Nou kapav demann nou-mem: ‘Ki lide nou lorganizasion pe servi pou konvink bann dimounn ki sa lansegnman-la li laverite? Eski ena enn lexanp ladan ki mo kapav servi pou ed enn kikenn pou konpran sa lansegnman-la? Kisann-la ki pou interese ar sa size-la?’—w25.07, p. 19.

Ar fason ki Zeova ti azir ar David, ki nou aprann lor So pardon?

Mem si David ti fer bann pese bien grav, kan li ti repanti ek li ti fer bann sanzman ki bizin, Zeova ti pardonn li. (1 Ler. 9:4, 5) Kan Zeova pardonn enn pese ki nou’nn fer, Li pa pou revinn lor la ankor ek Li pa pou pini nou pou sa.—w25.08, p. 17.

Si enn etidian Labib pe gagn difikilte pou konpran enn kitsoz, ki nou kapav fer?

Si li pe gagn difikilte pou konpran enn kitsoz ki to pe ansegn li, to pa oblize kontign koz lor la deswit. To kapav kontign letid-la ek rekoz lor la plitar.—w25.09, p. 24.

Kouma pese ena “pouvwar . . . pou anbet dimounn”? (Ebre 3:13)

Akoz nou inparfe, nou ena tandans pou fer bann move kitsoz, ek nou kapav panse osi ki Zeova pa kontan nou.—w25.10, p. 16.

Sit trwa kitsoz ki kapav ed nou pou amelior nou bann lapriyer.

(1) Reflesi lor bann kalite ki Zeova ena. (2) Reflesi ek koz lor bann difikilte ki to pe gagne, kouma par exanp eski to bizin pardonn enn kikenn. (3) Pran labitid pou fer bann pli long lapriyer. Koumsa, to pou kapav dir Zeova pli boukou kitsoz lor seki to panse ek seki to resanti.—w25.10, p. 19-20.

Kouma nou kapav ed nou bann frer ek ser aze?

Nou kapav vizit zot ouswa telefonn zot. Nou kapav osi al avek zot kan zot ena randevou kot dokter. Ek nou kapav pres ansam ar zot.—w25.11, p. 6-7.

Kouma bann Kretien kapav donn Zeova loner zour zot maryaz?

Obeir bann lalwa ki gouvernman mete konsernan maryaz. Zour to maryaz, seki to’nn organize bizin montre ki to’nn les twa gide par lespri sin, ek to bizin fer sir ki to maryaz donn “laglwar Bondie.” To bizin abiy avek modesti ek rezet bann koutim ki pa an-akor ar Labib. Pandan ki to pe organiz to maryaz, explik bien seki to pe pans pou fer.—w25.12, p. 21-24.