Ki Dirizan Ou Pou Swazir?​—Ki Labib Dir lor La?

Bann dimounn ena enn desizion bien inportan pou pran: Ki dirizan mo pou swazir?

Ki Labib dir lor la?

Bann dimounn ki dirize ena bann limit

Labib montre ki tou bann dimounn ki dirize ena bann limit.

• “Pa fer konfians bann dirizan imin; imin pa ena pouvwar pou sov nou. Kan zot mor, zot vinn lapousier; sa zour la tou zot plan mor ansam ar zot.”​—Psom 146:3, 4, Psom an Kreol Morisien, PKM.

Mem enn dimounn ki diriz bien pou mor enn zour. Anplis, sa dimounn-la pa kapav garanti nou, ki dimounn ki pou vini apre li pou kontign bon travay ki li’nn koumanse.​—Ekleziast 2:18, 19.

Labib montre nou ki zame bann dimounn pa’nn fer pou diriz zot par zotmem.

• “Enn dimounn ki pe marse pa’nn kree pou diriz so pa.”​—Zeremi 10:23.

Alor, eski azordi ena enn bon dirizan?

Enn dirizan ki Bondie inn swazir

Labib explike ki Bondie inn swazir pli bon dirizan ki ena, ki nou kapav fer konfians: Zezi Kris. (Psom 2:6, PKM) Zezi li Lerwa dan Rwayom Bondie, enn gouvernman ki pe regne dan lesiel.​—Matie 6:10, Nouvo Testaman Dan Kreol Morisien.

Eski ou pou swazir Zezi kouma ou dirizan? Labib montre kifer se enn swa ki bien inportan:

• “Met zot azenou divan li. Pa bliye so lakoler anflame vit e zot kapav zwenn lamor lor sime. Bienere tou dimoun ki mars ar li e ki gagn so proteksion.”​—Psom 2:12, PKM.

Se aster-la ki ou bizin deside ki ou pou fer. Bann profesi Labib montre ki Zezi inn koumans regne depi 1914, ek ki biento Rwayom Bondie pou ranplas tou bann gouvernman.​—Daniel 2:44.

Pou aprann plis lor kouma ou kapav aksepte Zezi kouma ou dirizan, lir lartik “Swazir pou Soutenir Rwayom Bondie Depi Asterla Mem!”