Kouma Bann Temwin Zeova Konsider Lezot Relizion?

Nou swiv konsey ki Labib donn nou pou “respekte tou dimounn”—ninport ki Krwayans relizie zot ena. (1 Pier 2:17, Bible en français courant) Par exanp, dan sertin pei, ena plizir milye Temwin Zeova. Me kanmem, nou pa esey met presion lor bann politisien ouswa bann ki etabli bann lalwa, pou limit ouswa pou interdi laktivite lezot relizion. Nou pa fer osi bann manifestasion pou fer pas bann lalwa ki pou obliz tou dimoun aksepte nou bann prinsip moral ek nou bann krwayans. Okontrer, nou toleran anver lezot relizion parey kouma nou ti pou kontan zot toleran anver nou.—Matie 7:12.