Kouma Bann Temwin Zeova Konsider Divors?

Nou swiv prinsip Labib lor maryaz ek divors. Bondie ti kree maryaz kouma enn lien ki dire pou touletan ant enn zom ek enn fam. Sel rezon pou divorse dapre bann Lekritir se limoralite sexiel.​—Matie 19:5, 6, 9.

Eski bann Temwin ed bann koup ki ena problem?

Wi, dan plizir fason:

• Piblikasion. Ena plizir lartik ki kapav ede pou ranforsi bann koup mem bann ka ki paret dezespere. Par exanp, get bann lartik « Tenir son engagement envers son conjoint, » « Comment pardonner, » ek « Comment rétablir la confiance entre conjoints. »

• Bann renion. Nou koz lor bann konsey pratik lor maryaz baze lor Labib dan nou bann lasanble lokal ek nou bann lasanble.

• Bann ansien. Bann ansien fourni bann koup marye bann led personel ek diriz zot latansion lor bann verse kouma Efezien 5:22-25.

Eski bann ansien bizin donn zot lakor pou ki enn Temwin divorse?

Non. Si enn koup ki pe fer fas ar bann problem dan zot maryaz demann led bann ansien, sa bann ansien-la pena drwa dir seki zot bizin fer. (Galat 6:5) Me selman, enn kikenn ki swazir pou divorse san okenn rezon Biblik, pa lib pou remarye dapre Labib.​—1 Timote 3:1, 5, 12.

Kouma bann Temwin konsider separasion?

Labib ankouraz bann konzwin pou res ansam mem kan bann sitiasion bien difisil. (1 Korintien 7:10-16) Boukou problem kapav rezoud kan priye avek boukou sinserite, kan aplik bann prinsip Labib ek kan montre lamour.​—1 Korintien 13:4-8; Galat 5:22.

Malgre sa, sertin Kretien finn desid pou separe ar zot konzwin dan bann sitiasion bien grav kouma par exanp:

• Refiz pou donn so fami seki li bizin pou viv.​—1 Timote 5:8.

• Kan ena bann violans fizik bien grav.​—Psom 11:5.

• Kan li kler ki spiritialite enn konzwin an danze. Par exanp, enn konzwin kapav fors enn Temwin pou al kont lalwa Bondie dan sertenn fason, ek sa konzwin ki santi ki so spiritialite an danze kapav deside ki enn separasion li sel fason pou “obeir Bondie kouma enn sef plito ki bann zom.”​—Zistwar Bann Apot 5:29.