Not

e 1 Samiel 25:3, 23-28: “³ Ek misie-la ti apel Nabal, so madam ti apel Abigail. Madam-la ti ena bon zizman ek li ti bien zoli, me so mari ti enn brit ek li pa ti ena enn bon fason azir. Li ti enn desandan Kaleb. ²³ Kan Abigail ti trouv David, li degaze desann lor so bourik, li tom azenou ek li prostern devan David. ²⁴ Lerla, li tom dan so lipie ek li dir: ‘Mo segner, fer koumadir mwa ki an-tor. Silteple, permet mwa koz ar twa ek ekout bann parol to servant. ²⁵ Silteple mo segner, pa pran kont Nabal, sa zom ki pa vo nanye la. Parey kouma so nom montre, li enn kikenn ki bet. Me mwa, to servant, mo pa finn trouv bann zennzan ki to finn avoye. ²⁶ Asterla mo segner, mo fer serman par Zeova, Bondie vivan, ek par twa ki vivan, ki se Zeova ki’nn anpes twa vinn koupab enn krim ek tir vanzans ar to prop lame. Ki to bann lennmi ek bann ki rod fer twa dimal vinn kouma Nabal. ²⁷ Asterla mo segner, donn bann zennzan ki avek twa sa kado ki mo finn amenn pou twa la. ²⁸ Silteple, pardonn erer to servant. Zeova pou fer sir ki bann desandan mo segner regne pandan lontan, parski to pe lager pou Zeova, ek to pa finn fer nanye demal depi to nesans.’”