Not

d Ezekiel 37:15-19, 24, 25: “¹⁵ Zeova ti rekoz ar mwa ek Li ti dir: ¹⁶ ‘Ek twa, garson enn zom, pran enn baton ek ekrir lor la: “Pou Zida ek pep Izrael ki avek li.” Apre sa pran enn lot baton ek ekrir lor la: “Pou Zozef, baton Efraim, ek tou lakaz Izrael ki avek li.” ¹⁷ Apre, met toulede baton ansam pou ki zot vinn zis enn sel baton dan to lame. ¹⁸ Kan to pep pou demann twa: “Explik nou seki sa vedir,” ¹⁹ dir zot: “Ala seki Souverin Segner Zeova dir: ‘Mo pou pran baton Zozef, ki dan lame Efraim, ek bann tribi Izrael ki avek li, ek mo pou kol li ar baton Zida. Mo pou fer zot vinn enn sel baton, ek zot pou vinn enn sel baton dan mo lame.’” ²⁴ Mo serviter David pou zot lerwa, ek zot tou pou ena enn sel berze. Zot pou obeir mo bann lalwa ek swiv bien mo bann komannman. ²⁵ Zot pou res dan pei ki mo ti donn mo serviter Zakob, pei kot zot bann anset ti viv. Zot pou res laba pou touletan, zot, zot bann zanfan, ek zot bann ti-zanfan. Ek mo serviter David pou zot sef pou touletan.’”