Not

b Daniel 4:10-17: “¹⁰ Kan mo ti pe dormi lor mo lili, mo’nn gagn enn vizion. Mo’nn trouv enn pie omilie later, ek li ti bien-bien ot. ¹¹ Pie-la inn pouse ek li’nn vinn for, ek so bout pli lao ti ariv ziska kot lesiel; li ti bien vizib ziska dan bout later. ¹² So bann fey ti bien zoli, ek li ti pe donn boukou frwi; lor pie-la ti ena manze pou zot tou. Bann zanimo sovaz ti vinn anba li pou gagn lonbraz, bann zwazo ti fer zot nik lor so bann brans, ek tou bann kreatir ti gagn manze gras-a sa pie-la. ¹³ Kan mo’nn gagn sa bann vizion-la lor mo lili, mo’nn trouv enn gardien, enn kikenn ki sin, ki ti pe desann depi lesiel. ¹⁴ Li ti kriye bien for: ‘Koup pie-la, koup so bann brans, tir so bann fey, ek zet so bann frwi! Ki bann zanimo ki anba li sove, ek ki bann zwazo sove depi so bann brans. ¹⁵ Me les tron-la ek so rasinn dan later lor laplenn, ek met enn bag an-feray ek an-kwiv otour tron-la. Les laroze ki sorti dan lesiel mouy li, ek les li res ansam avek bann zanimo dan laplenn. ¹⁶ Les so leker sanze, ki li nepli ena enn leker imin, me leker enn zanimo, ek les set lane pas lor li. ¹⁷ Se bann gardien ki anons sa desizion-la; se bann ki sin ki anons sa desizion-la, pou ki bann ki vivan kone ki sa Kikenn ki Pli Gran la, Li Sef dan rwayom bann dimounn ek ki Li donn sa ninport kisannla Li anvi. Li kapav mem etabli kouma sef, dimounn ki pli sinp parmi bann zom.’”