Not

b 2 Samiel 16:5-13: “⁵ Kan Lerwa David ti ariv Baourim, enn misie ki ti fami avek Sail ti pe donn David bann malediksion amezir ki li ti pe apros ar David. Li ti apel Shimei ek li ti garson Gera. ⁶ Li ti pe avoy ros lor David ek lor tou bann serviter Lerwa David, ek osi lor tou bann dimounn ek bann zom for ki ti dan so drwat ek dan so gos. ⁷ Shimei ti dir sa kan li ti pe donn bann malediksion: ‘Sorti la ale, sorti la ale, kriminel! To pa vo nanye! ⁸ Zeova pe pini twa parski to finn fer touy fami Sail ek to pe regne dan so plas. Me Zeova pe donn to Rwayom to garson Absalon. Asterla to pe konn maler parski to enn kriminel!’ ⁹ Lerla Abishay garson Zerouya dir lerwa: ‘Kifer sa lisien mor la bizin donn malediksion mo segner lerwa? Silteple, les mo ale, ek koup so latet.’ ¹⁰ Me lerwa ti dir: ‘Eski sa konsern zot sa, bann garson Zerouya? Les li modi mwa, si Zeova finn dir li: “Modi David!” Alor kisannla gagn drwa dir li: “Kifer to pe fer sa?”’ ¹¹ Lerla David ti dir Abishay ek tou so bann serviter: ‘Mo prop garson, ki mo’nn donn lavi, pe rod touy mwa, alor li pa etonan ki enn Binzaminit pou rod fer parey! Les li trankil, les li modi mwa si Zeova finn dir li fer sa! ¹² Kitfwa Zeova pou trouv mo soufrans. Azordi mo pe gagn malediksion, me kitfwa Zeova pou beni mwa an retour.’ ¹³ Lerla David ek so bann zom ti kontign zot semin alor ki Shimei ti pe marse lor flan montagn akote David. Li ti pe modi David ek li pe avoy ros ek enn kantite lapousier lor li.”