LESON 25
Ki Proze Bondie Ena pou Nou?
Labib dir ki bann dimounn “viv pou enn tigit letan, ek [zot] lavi ranpli ar problem.” (Zob 14:1) Eski samem lavi ki Bondie ti anvi pou nou? Si repons la li non, ki proze Li ena pou nou? Eski enn zour sa proze-la pou realize? Labib donn nou bann repons ki kapav rekonfort nou. Anou get sa ansam.
1. Ki kalite lavi Zeova anvi nou ena?
Zeova anvi ki nou ena pli bon lavi ki ena. Kan Li ti kree bann premie imin, Adan ek Ev, Li ti met zot dan enn zoli paradi, zardin Edenn. Lerla “Bondie ti beni zot ek Li ti dir zot: ‘Gagn zanfan, vinn boukou, ranpli later ek ena kontrol lor li.’” (Zenez 1:28) Zeova ti anvi ki zot gagn bann zanfan, ki zot fer later antie vinn enn paradi, ek ki zot pran swin bann zanimo. Zeova ti anvi ki tou bann dimounn ena enn lasante parfe ek viv pou touletan.
Mem si azordi lavi pa koumsa,a Bondie so proze pa’nn sanze. (Izai 46:10, 11) Zeova ankor anvi ki bann dimounn ki obeir Li, viv pou touletan dan enn lemond parfe.—Lir Revelasion 21:3, 4.
2. Kouma nou kapav ena enn lavi ere depi azordi?
Zeova finn kree nou dan enn fason kot nou “bizin [so] direksion,” setadir avek dezir pou aprann konn Li ek pou ador Li. (Lir Matie 5:3-6, NW.) Li anvi ki nou ena enn bon lamitie avek Li, ki nou “mars lor tou so bann semin,” ki nou “kontan Li,” ek servi Li “avek tou [nou] leker.” (Deteronom 10:12; Psom 25:14) Tousala rann nou ere mem si nou ena bann problem. Alor, kan nou ador Zeova, sa rann nou ere, parski nou pe viv dan fason ki Li anvi nou viv.
ANOU GET INPE PLIS
Nou pou gete kouma fason ki Zeova inn prepar later montre lamour ki Li ena pou nou. Nou pou get osi seki Labib ansegne lor rezon pou kifer nou lor later.
3. Zeova ena enn zoli proze pou bann dimounn
Zwe VIDEO-la, ek apre sa, get sa kestion-la ansam:
Kifer Bondie ti kree nou zoli planet?
Lir Ekleziast 3:11, ek apre sa, get sa kestion-la ansam:
Ki sa verse-la aprann ou lor Zeova?
4. Zeova so proze pa’nn sanze
Lir Psom 37:11, 29 ek Izai 55:11, ek apre sa, get sa kestion-la ansam:
Kouma nou kone ki proze ki Zeova ena pou bann dimounn pa’nn sanze?
Nou kapav repar enn lakaz ki dan enn move leta. Dan mem fason, mem si bann dimounn an zeneral pa’nn bien okip later, Bondie pou repar li ek donn li bann dimounn ki kontan Li
5. Kan nou ador Zeova sa rann nou ere
Kan nou kone pou ki rezon nou lor later, sa rann nou ere. Zwe VIDEO-la, ek apre sa, get sa kestion-la ansam:
Kan Terumi finn aprann kifer li lor later, kouma sa finn ed li?
Lir Ekleziast 12:13, ek apre sa, get sa kestion-la ansam:
Zeova inn fer boukou pou nou. Alor, kouma nou kapav montre nou rekonesans anver Li?
SERTIN KAPAV DEMANDE: “Kifer nou lor later?”
Kouma ou ti pou reponn?
SEKI NOU’NN APRANN
Zeova anvi ki nou viv ere pou touletan dan enn lemond parfe lor later. Kan nou ador Li avek tou nou leker nou kapav ere depi asterla mem.
Eski Ou Rapel?
Ki proze Zeova ti ena pou Adan ek Ev?
Kouma nou kone ki Bondie so proze pou bann dimounn pa’nn sanze?
Kouma ou kapav vremem ere?
DEKOUVER
Anou gete kifer nou kapav sir ki zardin Edenn finn vremem existe.
“Eski jardin Éden vrai-mem ti existé?” (Latour Degard, 1e Fevriye 2011)
Aprann kifer nou kapav sir ki later zame pou detrir.
Gete seki Labib dir lor kouma nou kapav ere.
Enn misie dekouver ki li ti mank enn kitsoz dan so lavi.
a Dan prosin leson, nou pou aprann kifer nou pena sa kalite lavi-la azordi.