Eski Parol Bondie Pe Azir Dan To Lavi Toulezour?

Kan nou lir Labib toulezour, sa kapav ed nou pou “anrasine” ek res “stab dan lafwa.” (Kol. 2:6, 7) Me selman, pou ki Parol Zeova azir dan nou lavi, nou bizin medit lor seki nou lir ek aplik bann prinsip ki ena ladan. (Ebre 4:12; Zak 1:22-25) Dan Zozie 1:8, ena trwa letap bien efikas ki nou kapav swiv kan nou lir Labib: (1) Lir Parol Bondie “lanwit-lizour.” (2) Lir li “dousman,” setadir ase for pou ki nou kapav medite ek trouv lektir-la vivan, koumadir vremem nou pe trouv seki pe pase. (3) Aplik “tou seki finn ekrir” dan Labib ek fer sa avek tou to leker. Kan nou swiv sa bann sigzesion-la, nou pou “reisi” dan tou seki nou fer ek nou pou “azir avek sazes” dan nou lavi toulezour.