• “Lager-la, Li pou Zeova”
    Latour Degard (Edision Piblik)—2016 | No. 5

    • David dir sa bann parol ankourazan la lerwa: “Personn pa bizin perdi kouraz akoz [Goliat].” Sail ek so bann zom inn fini perdi kouraz akoz Goliat. Kitfwa zot inn fer erer pou konpar zotmem ar sa zean-la. Kitfwa zot inn panse ki zot ariv zis lamwatie ar li ek ki zot zis koumadir bann ti gajak pou li! Me David pa pans parey kouma zot. Kouma nou pou trouve, li get sa problem-la dan enn lot fason. Akoz sa, li demann pou al lager kont Goliat limem.​—1 Samiel 17:32.

  • “Lager-la, Li pou Zeova”
    Latour Degard (Edision Piblik)—2016 | No. 5

    • David trouv bien ki grander Goliat ete ek bann zarm ki li ena. Me li pa les sa bann kitsoz-la fer li per. Li pa fer mem erer ki Sail ek so larme, setadir li pa konpar limem ar Goliat. Okontrer, li konpar Goliat ar Zeova. Goliat mezir 2.9 met oter ek li enn kolos konpare ar lezot. Me ki li ete konpare ar sa Kikenn ki Pli Gran dan liniver la? Parey kouma tou lezot imin, li koumadir enn ti insek, ek la, Zeova pre pou exterminn li!

      David galoup dan direksion so lennmi ek tir enn ros dan so sak. Li met ros-la dan so frond ek tourn li lao so latet bien vit ziska ki koumadir li tann enn sifleman. Goliat apros David. Kitfwa pou protez limem, li kasiet li deryer solda ki pe sarye so boukliye. Me, Goliat so oter pa enn lavantaz pou li. Solda ki devan li la, pli tipti ek sirman li gagn difikilte pou tini boukliye-la ase ot pou protez latet Goliat. Ek zisteman, se latet Goliat mem ki David pe vize.​—1 Samiel 17:41.

      David pe tourn so frond lao so latet ek pe galoupe pe al zwenn Goliat

      David ti trouve ki mem enn zean kapav paret bien tipti konpare ar Zeova

  • David Kont Goliat—Eski Vremem Sa Inn Arive?
    Latour Degard (Edision Piblik)—2016 | No. 5

    • 1 | Eski enn zom ti kapav vremem fer anviron nef pie edmi (2.9 met) oter?

      Enn model ki konpar oter Goliat ar oter enn solda normal

      Labib dir ki oter Goliat ti “sis koude ek enn empan.” (1 Samiel 17:4) Enn koude ti fer 17.5 pous (44.5 santimet) ek enn empan ti fer 8.75 pous (22.2 santimet). Antou sa fer nef pie sis pous (2.9 met). Sertin dimounn pa dakor ki Goliat ti sa oter-la. Me, remarke ki misie pli ot ki’nn existe dan nou lepok ti fer 8 pie 11 pous (2.7 met) oter. Alor, eski li inposib ki Goliat ti sis pous (15 santimet) pli ot? Goliat ti sorti dan tribi Refaim ek bann zom sa tribi-la ti renome pou zot oter. Enn dokiman Ezipsien 13em siek Avan Nou Lepok dir ki dan bann rezion Kanaan, sertin gerye ki ti fer per ti fer plis ki wit pie (2.4 met) oter. Alor, mem si sa li rar, li pa inposib ki Goliat ti sa oter-la.