9, 10. (a) Dan ki kondision David ek so bann zom ti bizin lite pou sirviv? (b) Kifer Nabal ti bizin apresie seki David ek so bann zom ti pe fer? (Get osi not paragraf 10.)

⁹ Nabal res dan Maôn. Me li travay ek li ena bann terin dan Karmel, enn lavil pa tro lwin.a Sa de lavil-la trouv dan oter. Se bann landrwa kot ena boukou lerb, seki bien apropriye pou fer lelvaz bann mouton, ek zisteman Nabal ena 3,000 mouton. Me toutotour, ena bann terin ki pa kiltive. Dan lesid ena gran dezer Parân. Dan les, larout ki al ver Lamer Morte (Lamer Salée) travers bann gran terin vid kot ena bann kavern ek bann ravin. Se dan sa bann rezion lamem ki David ek so bann zom pe bizin lite pou sirviv. Sirman zot bizin lasas pou gagn zot ti bouse-manze ek zot bizin andir boukou sitiasion difisil. Souvan zot krwaz bann berze ki gard bann troupo Nabal.