Sem Lagrin Rwayom Bondie

1. Vini tou bann ki anvi soumet,

Ki finn donn Bondie zot leker.

Zot tou vinn fer travay nou gran Met,

Ek mars dan bann pa nou Segner.

Vinn sem laparol ek laverite

Ek rod bann leker ki sinser,

Ki pou prodir bann frwi ki pou loue Bondie,

Si zot kontign donn tou zot meyer.

2. Sertin lagrin ki zot pou seme

Pou tom lor bann leker bien dir.

Dan koumansman zot interese

Me apre zot swiv zot dezir.

Lanvi, bann traka, zot kouma pikan;

Zot pran plas ek touf vre lafwa.

Pourtan sertin pouse ek zot vinn bien gran,

Se bann ki’nn tom lor enn later gra.

3. Si to’anvi gagn bann bon rezilta,

Bizin ena perseverans.

Me sa pou depann boukou lor twa,

Alor, ed zot avek pasians.

Avek bann parol ranpli ar bonte,

Anlev zot laper, zot traka.

Lerla avek lazwa to pou rekolte

Omwin trant fwa ouswa mem san fwa.