Kot Sa lé-Monde-La Pé Allé?

Zordi, toulé-jours nou tann bann problèmes grave ek bann événements choquant ki pé arrivé partout dans le monde. Ki sa montré nou?

SÉCURITÉ: Bombes explosé dans bazar. Professeurs ek zélèves gagne coup-de-balle dans enn l’école. Zenfants kidnappé létan lédo bann parents viré. Madames ek dimoune âgé agressé en plein li-jour.

RELIGION: Bann groupes ki engagé dans la guerre gagne backing l’église. Prêtres impliqué dans massacre. Zenfants mineur abusé sexuellement par bann prêtres; l’église couver sa. Dimoune pé arrête al la messe; église à vendre.

L’ENVIRONNEMENT: La forêt pé détruire pou bann raisons commerciale. Bann pauvres pé abatte bann zarbres dans la ville pou gagne du bois pou zot kapav cuit mangé. Nappes d’eau souterraine pollué; danger pou la santé. L’industrie la-pêche pé ruiné par déchets bann l’usine ek certain méthodes moderne. Pollution l’air pé cause problème respiration.

PROBLÈMES ÉCONOMIQUE: D’après bann rapports, revenue moyenne dans plusieurs pays l’Afrique li zis Rs 14,440 par an. Malhonnêteté bann directeurs faire bann compagnies faire faillite, employés perdi travail. Fraude faire investisseurs perdi tou zot économies.

LA FAMINE: Environ 800,000,000 dimoune à travers le monde al dormi ventre vide régulièrement.

LA GUERRE: La guerre finn prend la vie plus ki 100,000,000 dimoune pendant 20ème siècle. Le monde possède assez zarmes nucléaire pou détruire l’humanité plusieurs fois. La guerre civile. Terrorisme pé affecté le monde entier.

ÉPIDÉMIES EK LÉZOT MALADIES: La grippe Espagnole ti faire 21,000,000 victimes à apartir 1918. Zordi, SIDA finn vinn l’épidémie ki’nn “faire plus ravage dans toute l’histoire à travers le monde.” Cancer ek malade léker pé prend la vie beaucoup dimoune dans le monde entier.

Kan ou tann sa bann nouvelles-la, demann oumem: Eski c’est simplement bann cas isolé? Ou-bien, eski le monde finn prend enn direction ki éna enn signification particulier pou nou l’époque?

[L’encadré/Zimage page 5]

Eski Bondié Vrémem Interessé ar Nou?

Kan dimoune traumatisé par bann événements tragique, kan enn membre zot famille mort, ou-soit kan zot perdi tou zot dibien, beaucoup demann zotmem kifer Bondié reste lébras croisé, Li pa faire nanrien.

Bondié Vrémem Intéressé ar Nou. Bondié donne nou enn direction sûr dans nou la-vie, ek enn réel réconfort depuis asterla-mem. (Matthieu 11:28-30; 2 Timothée 3:16, 17) Li finn prend bann dispositions pou fini enn fois avec la violence, maladie ek la-mort. À travers sa bann dispositions-la, Bondié montré ki Li intéressé, pa zis ar enn nation, mais ar tou nations, tribus, ek langues.—Actes 10:34, 35.

Eski Nou, Nou Intéressé ar Bondié? Eski ou koné Kisannla inn crée le ciel ek la terre? Couma Li appelé? Ki Li éna l’intention faire? Li réponn sa bann questions-la dans la Bible. Dans sa livre-la, Li dire nou séki Li pou faire pou élimine la violence, maladie, ek la mort. Pou nou tire profit, ki nou bizin faire? Nou bizin aprann konn Li ek séki Li éna l’intention pou faire. Parski, couma eski nou kapav profite bann dispositions ki Bondié inn prend pou nou, si nou pa mette nou la-foi ladan? (Jean 3:16; Hébreux 11:6) Li nécessaire aussi ki nou faire séki Li dire nou. (1 Jean 5:3) Eski ou disposé pou faire sa, pou montré ki vrémem ou intéressé ar Bondié?

Pou comprend kifer Bondié pé tolère bann mauvais conditions ki existé zordi, éna enn question bien important ki nou bizin comprend avant tou. La Bible donne nou bann explications lor là. Nou pou gagne plus renseignements lor sa sujet-la à la page 15, dans sa brochure-la.