“ Viens, suis-moi ”
1. Ki l’occasion nou l’etude biblik la congregation pou donne nou dan bann prochain mois?
1 Toulé-quatre Evangile donne nou beaucoup detail concernant la vie Jésus, Garson Bondié, kan li ti lor la terre. Parski bann chretien bizin “suive bien so trace,” alors nou pou envie prepare bien ek bien attentif kan nou pou examine livre “ Viens, suis-mois ” pendant l’etude biblik la congregation a partir semaine 1er mars. (1 Pierre 2:21; Marc 10:21) Ena beaucoup l’aspect dan la vie Jésus ki kapav encourage nou dan nou ministere. Alors zot merite ki nou accorde zot enn l’attention special.
2. Couma nou kapav tire profit ar l’endurance Jésus?
2 L’exemple Jésus: Eski ou finn deja faire face avek enn dimoune ki’nn mal reagir avek ou pendant ki ou ti pé preché porte en porte? Kan nou gagne bann situation coumsa, nou realise signification sa bann parole Jésus-la: “Si bannla finn persecute moi, bannla pou persecute zot aussi.” (Jean 15:20) Li vrai ki tou bann reaction negatif pa enn forme persecution. Selman, c’est la joie ki ti pé attann li ki ti permette Jésus pou endure tou sorte qualité l’epreuve ek difficulté. Nou aussi nou kapav concentré-nou pou gagne faveur Jéhovah ek lor recompense ki Li pou donne nou a cause nou fidelité. Sa pou aide nou pou nou ‘pa fatigué ek pou nou pa perdi courage.’ (Héb. 12:2, 3; Prov. 27:11) A mesure ki nou perseveré dan nou ministere, nou kapav sur aussi ki nou pou gagne soutien Christ Jésus.—Mat. 28:20.
3. Couma nou kapav imite Jésus dan fason ki li ti considere so ministere?
3 “C’est a cause sa ki finn envoye moi”: Dan so la vie, Jésus ti accorde priorité predication lor Royaume Bondié. (Luc 4:43) Li ti donne so tou dan so ministere. Li ti considere sa couma enn kitsoz ki urgent, ek li ti touletan rod bann l’occasion pou koz concernant Royaume Bondié. Parski nou suive Jésus, kot-sa sa pou amenn nou si nou suive so l’exemple? Kan nou pé faire bann kitsoz ki nou habitué faire toulé-jour, eski ena bann dimoune avek ki nou kapav partage la bonne nouvelle? Ki l’amour ki Christ ena pousse nou pou partage maximum possible la bonne nouvelle!—2 Cor. 5:14.
4. Dan ki fason nou kapav ameliore qualité nou ministere?
4 “Jamais enn lot zom pa finn koz coumsa”: Fason ki Jésus ti enseigné ti impressionne bann ki ti ecoute li. (Jean 7:46; Mat. 7:28, 29) Ki kitsoz ki ti rann li different avek lezot enseignant? Li ti content la verité ki li ti enseigné, li ti content bann dimoune ki li ti enseigné, ek li ti servi different methode pou enseigne bann dimoune. Kan nou imite nou Grand Enseignant, nou kapav ameliore qualité nou ministere.—Luc 6:40.
5. Ki bizin nou l’objectif kan pou etudié livre “ Viens, suis-moi ”?
5 Ala deux-trois tresor ki nou kapav aprann concernant Jésus. Ki lezot tresor encore nou kapav trouvé? Pendant ki ou examine la vie Jésus pendant l’etude biblik la congregation, faire sa vinn enn l’objectif pou “konn l’amour Christ” kan ou imite so bann parole ek so bann action.—Éph. 3:19.