KESTION 2
Kouma to kapav konn Bondie?
“Fode pa ki sa liv Lalwa la res lwin ar to labous, ek to bizin lir li dousman lanwit-lizour, pou ki to swiv bien tou seki finn ekrir ladan; parski lerla to pou reisi dan seki to fer ek lerla to pou azir avek sazes.”
Josué 1:8
“Zot ti kontign lir liv Lalwa vre Bondie for-for. Zot ti explik li dan enn fason bien kler ek ti fer konpran so sans; se koumsa ki zot ti ed lepep pou konpran seki zot ti pe lir.”
Nehémia 8:8
“Ere sa kikenn ki pa mars dapre konsey bann move dimounn . . . , me li kontan lalwa Jéhovah, ek li lir So lalwa dousman lanwit-lizour. . . . Tou seki li fer pou reisi.”
Psaume 1:1-3
“Philippe galoup akote kales-la ek li tann Etiopien-la pe lir for-for enn pasaz ki profet Isaïe finn ekrir, ek li dir: ‘Eski to pe konpran seki to pe lir?’ Li reponn: ‘Kouma mo pou konpran si personn pa gid mwa?’”
“Depi kreasion lemond, so bann kalite invizib, mem so pwisans eternel ek so natir antan ki Bondie, zot bien vizib, parski nou kapav trouv zot atraver bann kitsoz ki Li’nn fer; koumsa bann ki pa krwar Bondie pena okenn exkiz.”
“Reflesi lor sa bann kitsoz-la; absorb twa net ladan, pou ki tou dimounn trouv bien to bann progre.”
“Anou interes nou sakenn ar nou kamarad pou ankouraz sakenn pou montre lamour ek fer bann bon aksion, san ki nou negliz nou bann renion.”
“Si kikenn parmi zot mank sazes, ki li kontign demann Bondie ek Bondie pou donn li, parski se avek leker kontan ki Bondie donn zot tou, san fer okenn repros.”