KESTION 7
Ki Labib inn anonse lor nou lepok?
“Nasion pou lev kont nasion ek rwayom kont rwayom . . . Tou sa bann kitsoz-la zot enn koumansman bann douler.”
“Boukou fos profet pou leve ek pou anbet enn kantite dimounn; ek parski bann pratik ki kont lalwa pou ogmante, lamour boukou dimounn pou refrwadi.”
“Kan zot pou tann lager ek bann nouvel lor lager, pa gagn per; sa bann kitsoz-la bizin arive, me lafin pankor vini.”
“Pou ena bann gran tranbleman-de-ter, dan enn landrwa apre lot pa pou ena manze ek pou ena bann lepidemi; ek pou ena bann spektak ki fer per, ek dan lesiel pou ena bann gran sign.”
“Dan bann dernie zour pou ena bann lepok kritik, difisil pou siporte. Parski bann dimounn pou kontan zotmem, pou kontan kas, pou vantar, pou ena lorgey, pou koz an mal lor lezot ek lor Bondie, pou dezobeir zot paran, pou ingra, zot pa pou fidel, zot pa pou ena okenn lafeksion natirel, zot pa pou dakor ant zotmem, zot pou met bann fos akizasion lor lezot, zot pa pou konn kontrol zot, zot pa pou ena okenn pitie, zot pa pou kontan seki bon, zot pou bann tret, zot pou ena latet dir, zot pou ranpli ar lorgey, zot pou kontan plezir plito ki Bondie, zot pou fer sanblan ena respe pou Bondie alor ki zot pou trayir so pouvwar.”