Paran, Donn Zot Zanfan Pli Gran Sans pou Reisi

Bann paran ki ena lakrint pou Bondie bien anvi trouv zot bann zanfan vinn bann serviter ki fidel ar Zeova. Depi ki zot bann zanfan tipti, bann paran kapav met bann lansegnman Labib dan leker zot bann zanfan. (Dt 6:7; Pr 22:6) Eski sa demann bann sakrifis? Biensir! Me li vo lapenn fer sa bann zefor-la.​—3Zn 4.

Bann paran kapav aprann boukou ar Zozef ek Mari. “Toulezan bann paran Zezi al Zerizalem pou fet Pak,” mem si zot ti bizin fer bann zefor ek fer bann depans. (Lk 2:41) Seki ti pli inportan pou Zozef ek Mari, se ki zot fami vinn pli pros ar Zeova. Azordi osi, bann paran kapav gid zot bann zanfan dan bon direksion. Kouma? Kan zot sezi tou lokazion ki zot gagne pou ansegn zot bann zanfan, par zot bann parol ek aksion.​—Ps 127:3-5.

GET VIDEO ILS ONT SAISI TOUTES LES OCCASIONS DE SERVIR JÉHOVAH, EK APRE REPONN SA BANN KESTION-LA:

• Kouma Jon ek Sharon Schiller inn kontign met an premie bann lintere Rwayom Bondie ek anmemtan elve zot bann zanfan?

• Kifer bann paran bizin adapte fason ki zot ansegn, ek disiplinn sak zanfan?

• Kouma bann paran kapav prepar zot bann zanfan pou tini ferm devan bann leprev ki pou teste zot lafwa?

• Ki bann zouti ki lorganizasion Zeova done, to’nn servi pou ed to bann zanfan vinn kamarad Zeova?