LESON 3
Servi Bann Kestion
Matie 16:13-16
REZIME: Avek takt, poz bann kestion ki pou kapte ek gard latansion bann dimounn, bann kestion ki pou fer zot rezone ek ki pou met laksan lor bann pwin inportan.
KOUMA POU FER SA:
Kapte ek gard latansion. Poz bann kestion ki pou fer lasistans reflesi ek ki pou donn li anvi konn bann repons-la.
Rezonn lor enn size. Poz enn seri kestion pou ed zot swiv lozik enn rezonnman ek ariv konklizion ki bizin.
Met laksan lor bann pwin inportan. Pou introdir enn pwin inportan, poz enn kestion ki exsit kiryozite. Poz bann kestion revizion kan to fini koz lor enn pwin inportan ouswa kan to pe fer to konklizion.