Liv Bondie​—Enn Trezor

1. Ena enn bon liv ek dan tou so bann paz,

Li donn lazwa, lape, avek lespwar.

Ouver lizie, ek fer nou tou vinn pli saz

Telman so bann parol ena pouvwar.

Sa liv-la se Labib, Parol Zeova.

Li’nn inspir bann zom ki ti kontan Li,

Pou ekrir bann parol ki dan sa liv-la,

Li’nn motiv zot, gid zot par so lespri.

2. Zot finn dekrir tou bann travay nou Bondie,

Ek kouma Li finn kree nou liniver.

Zot finn dir ki premie zom li ti parfe,

Me kouma plitar li finn fer erer.

Zot finn koz lor enn anz ki ti bien move,

Ki ti defie dominasion Bondie.

Sa finn amenn zom dan sagrin, dan pese,

Me viktwar se Bondie ki pou gagne.

3. Zordi ena boukou rezon pou zwaye,

Zeova regne par Kris nou Lerwa.

Asterla nou anons Rwayom nou Bondie

Ek bann bienfe ki biento pou ena.

Nou trouv sa mesaz-la dan so liv sakre,

Ki ena boukou plis valer ki lor.

Samem pli gran zistwar ki finn rakonte;

Li donn lespwar, ek li enn vre trezor.