Touzour Fidel

1. Touzour fidel ar vre Bondie,

Nou devlop lamour fidel.

Kouma so pep, so bann Temwin,

Nou ekout so bann rapel.

So konsey anpes nou tonbe,

Anou swiv zot san doute.

Touzour fidel, nou krwar an Li.

Nou pou res dan so kote.

2. Touzour fidel ar nou bann frer,

Dan lapenn nou res soude.

Par nou parol ek nou aksion,

Nou manifeste bonte.

Nou montre enn respe sinser

Ek donn zot enn gran loner.

Touzour fidel, touzour pli pros

Ar tou nou bann frer ek ser.

3. Touzour fidel ar nou bann frer,

Ki gid nou ek vey lor nou.

Nou obeir ek respekte

Bann konsey ki zot donn nou.

Bondie pou donn nou so lafors,

Si nou ekout so lavwa.

Kan nou fidel, ek nou sinser,

Nou pou vinn pou Zeova.