Fixe Ou Lizie lor Pri-La!

1. Kan bann aveg pou retrouv kler,

Kan bann ki sourd pou tann bien kler,

Kan fler pou kouver bann dezer,

Ek delo partou lor later.

Bann ki bwate, zot pou sote,

Ek lamor zame pou’existe.

Si ou anvi trouv sa zour-la,

Fixe ou lizie lor pri-la!

2. Kan bann aze pou razeni,

Ek bann mie pou pous enn kri,

Bann frwi, later pou raporte,

Enn kantite, bon kalite.

Nou pou tann bann zanfan sante,

Nou bann mor pou resisite,

Partou pou’ena lape, lazwa.

Fixe ou lizie lor pri-la!

3. Loulou pou res avek lagno,

Bann lours pou zwe avek bann vo,

Enn ti garson ki pou gid zot,

So ti lavwa pou diriz zot.

Lerla personn pa pou plore,

Laper, douler, tou nou’nn bliye.

Pou trouv tou sa bann kitsoz-la,

Fixe ou lizie lor pri-la!