• Ki Ete Rwayom Bondie?
    Viv Ere pou Touletan!—Dekouver Seki Labib Dir
    • Leson 31. Zezi Kris ki Lerwa dan lesiel, devan Zeova.

      LESON 31

      Ki Ete Rwayom Bondie?

      Mesaz pli inportan ki ena dan Labib, se Rwayom Bondie. Zeova pou servi sa Rwayom-la pou fer later vinn enn paradi parey kouma li ti prevwar o-koumansman. Ki sa Rwayom-la sa? Kouma nou kone ki li pe deza dirize? Ki bann kitsoz li’nn fini fer? Ki li pou fer dan lavenir? Sa leson-la ek de prosin leson pou reponn sa bann kestion-la.

      1. Ki ete Rwayom Bondie, ek kisannla Lerwa dan sa Rwayom-la?

      Rwayom Bondie se enn gouvernman ki’nn etabli par Zeova. Se Zezi Kris ki Lerwa dan sa Rwayom-la, ek li pe regne depi lesiel. (Matie 4:17; Zan 18:36) Labib dir ki Zezi ‘pou regn pou touletan.’ (Lik 1:32, 33) Antan ki Lerwa dan Rwayom Bondie, Zezi pou regn lor tou bann dimounn ki lor later.

      2. Kisannla pou regne ansam avek Zezi?

      Zezi pa pou regne tousel. Ansam avek li pou ena bann dimounn dan “tousort tribi, langaz, pei ek nasion . . . [ki] pou regne lor later.” (Revelasion 5:9, 10) Komie dimounn pou regne avek Zezi Kris? Depi ki Zezi finn vinn lor later, bann milyon Kretien finn vinn so bann disip. Me zis 144,000 parmi zot ki pou al regne dan lesiel ansam avek Zezi. (Lir Revelasion 14:1-4.) Bann lezot Kretien pou vinn bann sitwayen Rwayom Bondie lor later.​—Psom 37:29.

      3. Kifer Rwayom Bondie li pli bon ki bann gouvernman imin?

      Mem si bann gouvernman imin esey fer bann bon kitsoz, zot pena pouvwar pou fer tou seki zot anvi. Ek kitfwa bann ki ranplas sa bann dirizan-la, zot egois ek zot pa gagn traka lepep. Me zame personn pa pou ranplas Zezi, ki dirizan dan Rwayom Bondie. Bondie inn “etabli enn rwayom ki zame pa pou detrir.” (Daniel 2:44) Zezi pou dirize lor later antie, ek li pa pou tret sertin dimounn pli bien ki lezot. Li ena lamour, bonte, ek li zis. Li pou osi ansegn bann dimounn pou tret zot kamarad dan sa fason-la, setadir avek lamour, bonte, ek lazistis.​—Lir Izai 11:9.

      ANOU GET INPE PLIS

      Nou pou gete kifer Rwayom Bondie li pli bon ki ninport ki gouvernman imin.

      Zezi Kris pe regn lor later depi lesiel. Bann ki pe regn ansam avek li, pe asiz deryer li. Zeova pe briye deryer zot.

      4. Enn gouvernman pwisan pou dirize lor later antie

      Zezi Kris ena plis pouvwar ki ninport ki dirizan ki pe dirize azordi, ouswa ki finn dirize dan lepase. Lir Matie 28:18, ek apre sa, get sa kestion-la ansam:

      • Ki diferans ena ant pouvwar ki Zezi ena pou dirize ek pouvwar ki bann dirizan imin ena?

      Bann gouvernman imin sanze souvan, ek sak dirizan diriz zis enn parti dan lemond. Me ki nou kapav dir lor Rwayom Bondie? Lir Daniel 7:14, ek apre sa, get sa bann kestion-la ansam:

      • Rwayom Bondie “zame pa pou detrir.” Kifer ou panse li enn bon kitsoz?

      • Rwayom Bondie pou diriz lor later antie. Kifer ou panse li enn bon kitsoz?

      5. Bann gouvernman imin pa kapav regle nou bann problem

      Kifer Rwayom Bondie bizin ranplas bann gouvernman imin? Zwe VIDEO-la, ek apre sa, get sa kestion-la ansam:

      VIDEO: Ki Ete Rwayom Bondie?​—Extre (1:41)

      • Ki konsekans finn ena depi ki bann gouvernman imin pe dirize?

      Lir Ekleziast 8:9, ek apre sa, get sa kestion-la ansam:

      • Eski ou panse ki Rwayom Bondie bizin ranplas bann gouvernman imin? Kifer ou pans koumsa?

      6. Bann dirizan Rwayom Bondie konpran nou

      Zezi nou Lerwa, inn deza viv kouma enn imin, alor li kapav “sinpatiz ar nou dan nou febles.” (Ebre 4:15) Zeova finn swazir 144,000 zom ek fam ki pou regne ansam avek Zezi. Zot sorti dan “tousort tribi, langaz, pei ek nasion.”​—Revelasion 5:9.

      • Eski sa rasir ou kan ou kone ki Zezi ek bann ki pou diriz avek li, konpran seki nou resanti ek bann problem ki nou ena? Kifer?

      Bann dimounn ki ena lesperans pou al viv dan lesiel, ki’nn viv dan diferan lepok ek ki sorti dan diferan kiltir.

      Zeova inn swazir diferan kalite dimounn pou diriz avek Zezi

      7. Rwayom Bondie ena bann pli bon lalwa

      Bann gouvernman etabli bann lalwa ki sipoze protez zot bann sitwayen ek fer zot dibien. Rwayom Bondie osi ena bann lalwa ki so bann sitwayen bizin swiv. Lir 1 Korintien 6:9-11, ek apre sa, get sa bann kestion-la ansam:

      • Kouma ou panse lemond ti pou ete si tou dimounn ti swiv bann lalwa Bondie?a

      • Eski ou panse li rezonab ki Bondie atann ki bann sitwayen so Rwayom respekte sa bann lalwa-la? Kifer?

      • Ki kitsoz montre ki bann dimounn ki pa pe obeir sa bann lalwa-la kapav sanze?​—Get verse 11.

      Enn lapolis pe aret bann loto lor enn lakrwaze. Bann dimounn diferan laz pe travers sime.

      Bann gouvernman imin etabli bann lalwa ki protez zot bann sitwayen ek fer zot dibien. Rwayom Bondie ena bann pli bon lalwa pou protez so bann sitwayen ek fer zot dibien

      SERTIN DIMOUNN DIR: “Rwayom Bondie li dan nou leker.”

      • Kouma ou ti pou reponn?

      SEKI NOU’NN APRANN

      Rwayom Bondie se enn gouvernman ki vremem existe dan lesiel, ek ki pou dirize lor later antie.

      Eski Ou Rapel?

      • Kisannla pou dirize dan Rwayom Bondie?

      • Kifer Rwayom Bondie li pli bon ki ninport ki gouvernman imin?

      • Ki Zeova atann bann sitwayen so Rwayom fer?

      Mo Lobzektif

      DEKOUVER

      Zezi ti explike kotsa Rwayom Bondie ete.

      “Eski Rwayom Bondie Li dan Ou Leker?” (Lartik lor jw.org)

      Kifer bann Temwin Zeova inn swazir pou res fidel anver Rwayom Bondie olie bann gouvernman imin?

      Fidel Anver Rwayom Bondie (1:43)

      Gete seki Labib dir lor bann 144,000 dimounn ki Zeova inn swazir pou diriz ansam avek Zezi.

      “Kisannla Ki Pou Al Viv dan Lesiel?” (Lartik lor jw.org)

      Gete seki ti konvink enn madam ki ti dan prizon ki se zis Bondie ki kapav amenn lazistis dan lemond.

      « J’ai découvert la solution à l’injustice » (Leve!, Novam 2011, an Franse)

      a Nou pou koz lor sertin sa bann lalwa-la dan Parti 3.

  • Rwayom Bondie Pe Dirize!
    Viv Ere pou Touletan!—Dekouver Seki Labib Dir
    • Leson 32. Zezi Kris antan ki Lerwa dan lesiel, pe tini baton rwayal dan so lame ek li pe diriz lor later.

      LESON 32

      Rwayom Bondie Pe Dirize!

      Rwayom Bondie inn koumans regne dan lesiel an 1914. Sa mem lane-la, bann dernie tan inn koumanse, savedir ki bann gouvernman imin biento pou aret dirize. Kouma nou konn sa? Bann profesi ki ena dan Labib, seki pe pase dan lemond, ek kouma bann dimounn pe konport zot depi 1914, ed nou pou konpran sa. Ek se seki nou pou gete dan sa leson-la.

      1. Ki bann profesi Labib montre?

      Liv Daniel montre ki Rwayom Bondie ti pou koumans regne alafin enn lepok ki apel “set lane.” (Daniel 4:16, 17) Bann santenn lane apre, Zezi ti apel sa mem lepok-la ‘letan ki finn akord bann pep,’ ek li ti dir ki sa lepok-la pa ti ankor fini. (Lik 21:24) Kouma nou pou trouve, sa set lane-la ti fini an 1914.

      2. Ki pe pase dan lemond ek kouma bann dimounn pe konport zot depi 1914?

      Bann disip ti demann Zezi: “Ki sign pou montre to prezans ek lafin sa lemond-la?” (Matie 24:3, NW) Dan so repons, Zezi ti dir ki boukou kitsoz ti pou arive apre ki li ti pou koumans regne dan lesiel, antan ki Lerwa dan Rwayom Bondie. Parmi sa bann kitsoz-la, ena lager, lafaminn, ek tranbleman-de-ter. (Lir Matie 24:7.) Labib ti predir osi ki dan “bann dernie tan” ti pou ena “bann moman difisil” akoz fason ki bann dimounn ti pou konport zot. (2 Timote 3:1-5) Ek nou trouv bien tou sa bann kitsoz-la depi 1914.

      3. Kifer lemond finn vinn pli pir depi ki Rwayom Bondie finn koumans regne?

      Inpe apre ki Zezi ti vinn Lerwa dan Rwayom Bondie, li ti al lager kont Satan ek so bann demon dan lesiel. Ek Satan ti perdi sa lager-la. Labib dir ki “Satan . . . avek so bann anz ti perdi zot plas dan lesiel.” (Revelasion 12:9, 10, 12) Satan bien ankoler, parski li kone ki li pou detrir. Se akoz li ki ena sa kantite problem ek soufrans la lor later. Alor, nou konpran kifer sitiasion lor later bien pa bon! Me biento, Rwayom Bondie pou tir tou sa bann problem-la!

      ANOU GET INPE PLIS

      Nou pou gete kouma nou kone ki Rwayom Bondie inn koumans dirize an 1914. Nou pou get osi kouma nou kapav montre ki nou krwar ki Rwayom Bondie pe dirize azordi.

      4. Bann profesi Labib ed nou pou ariv ziska 1914

      Zwe VIDEO-la.

      VIDEO: Rwayom Bondie Inn Koumans Regne Depi 1914 (5:02)

      Bondie ti fer Naboukodonozor, ki ti Lerwa Babilonn, gagn enn rev ki ti predir lavenir. Kan Daniel ti explik sa rev-la, li ti montre ki sa rev-la aplik avek regn Naboukodonozor ek Rwayom Bondie.​—Lir Daniel 4:17.a

      Lir Daniel 4:20-26, ek apre sa, servi sa tablo-la pou reponn sa bann kestion-la:

      • (A) Ki kitsoz Naboukodonozor ti trouve dan so rev?​—Get verse 20 ek 21.

      • (B) Ki ti pou ariv sa pie-la?​—Get verse 23.

      • (C) Ki ti pou arive alafin ‘sa set lane-la’?​—Get verse 26.

      Ki Lien Ena ant Pie dan Rev Naboukodonozor ek Rwayom Bondie?

      PROFESI (Daniel 4:20-36)

      Pe regne

      (A) Enn extra gran pie

      Enn extra gran pie.

      Aret regne

      (B) “Koup sa pie-la,” ek les “set lane pase”

      Enn siko avek enn serk an feray ek an kwiv otour li.

      Rekoumans regne

      (C) “To pou regagn to rwayom”

      Enn extra gran pie.

      Dan premie fason ki sa profesi-la inn realize . . .

      • (D) Kisannla sa pie-la reprezante?​—Get verse 22.

      • (E) Kouma so regn ti arete?​—Lir Daniel 4:29-33.

      • (F) Ki ti ariv Naboukodonozor alafin ‘sa set lane-la’?​—Lir Daniel 4:34-36.

      PREMIE FASON KI SA PROFESI-LA REALIZE

      Pe regne

      (D) Naboukodonozor, Lerwa Babilonn

      Lerwa Naboukodonozor pe deboute avek fierte.

      Aret regne

      (E) Apre 606 A.N.L., Naboukodonozor perdi latet ek nepli kapav regne pandan set an

      Naboukodonozor pe asiz anba ek pe manz lerb kouma enn zanimo.

      Rekoumans regne

      (F) Naboukodonozor regagn so lespri ek rekoumans regne

      Lerwa Naboukodonozor pe get lesiel ek lev so de lebra.

      Dan deziem fason ki sa profesi-la inn realize . . .

      • (G) Ki sa pie-la reprezante?​—Lir 1 Kronik 29:23.

      • (H) Kouma zot regn ti arete? Kouma nou kone ki personn pa ti pe regne mem kan Zezi ti lor later?​—Lir Lik 21:24.

      • (I) Kan ek kotsa sa regn-la ti rekoumanse?

      DEZIEM FASON KI SA PROFESI-LA REALIZE

      Pe regne

      (G) Bann lerwa Izraelit ki reprezant regn Bondie

      Bann diferan lerwa Izraelit ki pe asize lor bann tronn, enn deryer lot. Bann reyon lalimier pe ekler zot.

      Aret regne

      (H) Zerizalem detrir, ek bann lerwa Izraelit nepli regne pandan 2,520 an

      Zerizalem pe brile an 607 A.N.L. Apre sa, 2,520 lane pase.

      Rekoumans regne

      (I) Zezi koumans regne dan lesiel, antan ki Lerwa dan Rwayom Bondie

      Depi 1914, Zezi pe regne lor later depi lor so tronn ki dan lesiel. Ena bann reyon lalimier ki pe sorti depi so tronn.

      Ki sa set lane-la reprezante?

      Sertin parti dan Labib kapav ed nou pou konpran lezot parti dan Labib. Par exanp, liv Revelasion dir ki trwa-z-an edmi egal 1,260 zour. (Revelasion 12:6, 14) Savedir ki dapre bann profesi Labib enn an egal 360 zour. Alor ‘sa set lane-la’ egal 2,520 zour. Parfwa dan Labib, enn zour reprezant enn an. (Ezekiel 4:6) Sa aplik ar set lane ki mansione dan liv Daniel, zot reprezant 2,520 an.

      5. Lemond finn sanze depi 1914

      Zwe VIDEO-la.

      VIDEO: Lemond Finn Sanze Depi 1914 (1:10)

      Zezi ti predir kouma sitiasion dan lemond ti pou ete apre ki li ti pou vinn Lerwa. Lir Lik 21:9-11, ek apre sa, get sa kestion-la ansam:

      • Lekel parmi sa bann sitiasion-la ou finn trouve ouswa tande?

      Lapot Pol ti dekrir kouma bann dimounn ti pou ete pandan bann dernie zour ki bann gouvernman imin ti pou dirize. Lir 2 Timote 3:1-5, ek apre sa, get sa kestion-la ansam:

      • Lekel parmi sa bann konportman-la ou pe trouve parmi bann dimounn azordi?

      Zimaz: Bann diferan zimaz pe montre kouma sitiasion ete dan lemond pandan bann dernie zour. 1. Enn sef militer ki lor enn podium pe kriye ek pe lev so lame. 2. Bann batiman ki’nn kraze apre enn tranbleman-de-ter. 3. Bann avion militer. 4. Enn lafoul dimounn ki’nn met mask pe marse. 5. Twin Towers dan New York pe pran dife apre enn latak teroris. 6. Enn misie pe droge. 7. Enn misie pre montre enn koutpwin ek pe kriy ar so fam. 8. Bann diferan ladrog ek lalkol. 9. De madam ki’nn met bann linz bien lamod ek bann bizou pe fer enn selfi. 10. Enn DJ pe met lanbians dan enn konser. 11. Enn dimounn ki pe manifeste pe avoy enn koktel molotov.

      6. Montre ki ou krwar ki Rwayom Bondie pe dirize azordi

      Lir Matie 24:3, 14, ek apre sa, get sa bann kestion-la ansam:

      • Ki travay inportan montre ki Rwayom Bondie pe dirize azordi?

      • Kouma ou kapav partisip dan sa travay-la?

      Rwayom Bondie pe dirize azordi, ek biento li pou diriz lor later. Lir Ebre 10:24, 25, ek apre sa, get sa kestion-la ansam:

      • Ki kitsoz sakenn parmi nou bizin fer amezir ki nou trouv “zour Lesegner pe aprose”?

      Zimaz: 1. Enn etidian Labib pe asiste enn renion bann Temwin Zeova. 2. Sa mem etidian-la pe prese avek enn dimounn ki li kone.

      Ki ou ti pou fer si ou ti konn enn kitsoz ki kapav ed lezot ek sov zot lavi?

      SERTIN KAPAV DEMANDE: “Kifer bann Temwin Zeova koz sa kantite-la lor 1914?”

      • Ki ou ti pou dir?

      SEKI NOU’NN APRANN

      Bann profesi Labib, ek sitiasion dan lemond montre ki Rwayom Bondie pe dirize azordi. Nou montre ki nou krwar ki sa Rwayom-la pe dirize azordi, kan nou pres lor sa Rwayom-la ek asiste bann renion.

      Eski Ou Rapel?

      • Ki ti arive alafin set lane ki mansione dan liv Daniel?

      • Ki kitsoz konvink ou ki Rwayom Bondie inn koumans dirize an 1914?

      • Kouma ou kapav montre ki ou krwar ki Rwayom Bondie pe dirize azordi?

      Mo Lobzektif

      DEKOUVER

      Gete ki bann istorien ek bann lezot dimounn dir konsernan bann sanzman ki finn ena dan lemond depi 1914.

      « Depuis quand ce déclin brutal ? » (Leve!, Avril 2007, an Franse)

      Gete kouma profesi ki ena dan Matie 24:14 finn sanz lavi enn dimounn.

      “Baseball Ti Mo Lavi!” (Latour Degard No. 3 2017)

      Kouma nou kone ki profesi ki ena dan Daniel sapit 4 pe koz lor Rwayom Bondie?

      “Kan Eski Rwayom Bondie Inn Koumans Dirize?​—1e Parti” (Latour Degard, 1e Novam 2014)

      Ki kitsoz montre ki “set lane” ki mansione dan Daniel sapit 4 inn fini an 1914?

      « Quand le Royaume de Dieu a-t-il commencé à régner ? (2e partie) » (Latour Degard, 1e Novam 2014, an Franse)

      a Get de dernie lartik dan parti Dekouver dan sa leson-la.

  • Seki Rwayom Bondie Pou Fer
    Viv Ere pou Touletan!—Dekouver Seki Labib Dir
    • Leson 33. Bann dimounn pe viv lor later ki’nn vinn enn paradi.

      LESON 33

      Seki Rwayom Bondie Pou Fer

      Rwayom Bondie pe deza dirize dan lesiel. Biento li pou fer bann gran sanzman lor later. Anou get sertin bon kitsoz ki nou kapav atann li pou fer.

      1. Kouma Rwayom Bondie pou amenn lape ek lazistis lor later?

      Pandan lager Armagedon, Zezi ki Lerwa dan Rwayom Bondie, pou detrir bann move dimounn ek bann gouvernman. (Revelasion 16:14, 16) Se lerla ki sa promes-la pou realize: “Ankor enn tigit letan bann ki fer lemal pou disparet.” (Psom 37:10) Gras-a Rwayom Bondie, Zezi pou fer sir ki ena lape ek lazistis partou lor later.​—Lir Izai 11:4.

      2. Kouma lavi pou ete kan volonte Bondie pou realize lor later?

      Kan Rwayom Bondie pou dirize, “bann ki swiv bon sime pou posed later e viv lor la pou toultan.” (Psom 37:29) Imazine kouma lavi pou ete kan pou ena zis bann dimounn ki swiv bon sime, ki kontan Zeova, ek ki kontan sakenn zot kamarad! Personn pa pou malad ek tou dimounn pou viv pou touletan.

      3. Ki Rwayom Bondie pou fer apre ki bann move dimounn inn detrir?

      Apre ki bann move dimounn inn detrir, Zezi pou regne antan ki Lerwa pandan 1,000 an. Pandan sa 1,000 an-la, Zezi ek bann 144,000 ki pou regne avek li, pou ed bann dimounn lor later pou vinn parfe. Alafin sa lepok-la, later pou vinn enn zoli paradi. Lerla, tou dimounn pou ere parski zot pe obeir bann lalwa Zeova. Apre sa, Zezi pou redonn Rwayom-la so Papa, Zeova. Ek finalman, Zeova so “nom [pou] sanktifie.” (Matie 6:9, 10) Tousala pou montre ki Zeova, Li enn bon dirizan, ek ki Li gagn traka so bann sitwayen. Apre sa, Zeova pou detrir Satan, bann demon, ek ninport kisannla ki swazir pou rebel kont So lotorite. (Revelasion 20:7-10) Gras-a Rwayom Bondie, lavi pou parfe ek sa pou dire pou touletan.

      ANOU GET INPE PLIS

      Anou gete kifer nou kapav sir ki Bondie pou servi so Rwayom pou realiz tou bann promes ki ena dan Labib konsernan nou lavenir.

      4. Rwayom Bondie pou detrir tou bann gouvernman imin

      “Dimounn finn dominn dimounn pou zot prop maler.” (Ekleziast 8:9) Gras-a so Rwayom, Zeova pou repar tou bann dega ki finn arive akoz sa linzistis-la.

      Lir Daniel 2:44 ek 2 Tesalonisien 1:6-8, ek apre sa, get sa bann kestion-la ansam:

      • Ki Zeova ek So Garson, Zezi, pou fer ar bann gouvernman imin ek bann ki soutenir zot?

      • Kouma seki ou’nn aprann lor Zeova ek Zezi, rasir ou ki zot pou azir dan enn fason ki zis?

      Zezi, ki Lerwa dan lesiel, pe regne lor later ki’nn vinn enn paradi.

      5. Zezi limem pli bon Lerwa ki ena

      Antan ki Lerwa dan Rwayom Bondie, Zezi pou ed bann dimounn lor later dan boukou fason. Zwe VIDEO-la pou trouve kouma Zezi finn montre ki li vremem anvi ed bann dimounn ek ki Bondie finn donn li pouvwar pou fer sa.

      VIDEO: Zezi Inn Montre seki Rwayom Bondie Pou Fer (1:13)

      Kan li ti lor later, Zezi ti donn enn avangou seki Rwayom Bondie pou fer dan lavenir. Lekel parmi sa bann benediksion-la ou plis anvi trouve? Lir sa bann verse-la pou aprann plis lor sa bann benediksion-la.

      KAN LI TI LOR LATER, ZEZI . . .

      DEPI LESIEL, ZEZI POU . . .

      • ti fer bann mirak pou nouri bann milye dimounn.​—Matie 14:17-21.

      • tir lafaminn.​—Psom 72:16.

      • donn tou bann dimounn enn lasante parfe.​—Izai 33:24.

      6. Enn zoli lavenir gras-a Rwayom Bondie

      Gras-a Rwayom Bondie, Zeova pou realiz proze ki Li ti ena pou bann dimounn. Zot pou viv pou touletan lor later ki pou vinn enn paradi. Zwe VIDEO-la pou trouve kouma gras-a Zezi, Zeova pou realiz So proze.

      VIDEO: Lavenir Extraordiner ki Pe Atann Nou (4:38)

      Lir Psom 145:16, ek apre sa, get sa kestion-la ansam:

      • Ki ou resanti kan ou kone ki Zeova pou ‘rasazie e satisfe tou kreatir’?

      SERTIN DIMOUNN DIR: “Si tou dimounn fer zot par, ansam nou pou kapav regle tou bann problem ki ena dan lemond.”

      • Ki bann problem Rwayom Bondie kapav regle, me ki bann gouvernman imin pa kapav regle?

      SEKI NOU’NN APRANN

      Rwayom Bondie pou realiz proze ki Zeova ena pou bann dimounn. Li pou fer later vinn enn paradi ek bann bon dimounn pou ador Zeova pou touletan.

      Eski Ou Rapel?

      • Kouma Rwayom Bondie pou sanktifie nom Zeova?

      • Kifer nou kapav sir ki Rwayom Bondie pou realiz tou bann promes ki ena dan Labib?

      • Parmi tou seki Rwayom Bondie pou fer, ki kitsoz ou plis anvi trouve?

      Mo Lobzektif

      DEKOUVER

      Dekouver seki vedir Armagedon.

      “Ki Ete Lager Armagedon?” (Lartik lor jw.org)

      Examinn bann levennman ki pou arive pandan sa peryod ki Zezi ti apel “gran soufrans” la.​—Matie 24:21.

      “Ki Ete Gran Soufrans?” (Lartik lor jw.org)

      Gete kouma bann fami kapav mazinn zot ansam dan Paradi.

      Mazinn Twa dan Paradi (1:50)

      Dan lartik « J’étais tourmenté par de nombreuses questions, » enn dimounn ki ti rebel kont politik explike kotsa li finn gagn repons so bann kestion.

      ”Labib Sanz Bann Dimounn” (Latour Degard, 1e Zanvie 2012, an Franse)